E trafico di Playa pa San Nicolas no tabata asina facil pa automobilistanan bayendo direccion pariba. E Green Walk di AVP a ranca basta hende cu sea a bai cana of core bicicleta. Canto di caminda tabata tin sea autonan para of hendenan den cura pa asina mira e cantidad di autonan of tambe candidatonan di AVP bayendo San Nicolas.

Lider di AVP Mike Eman tabata e ultimo pa yega pariba. El a lidera un parada di auto grandi cu a sali for di Playa pasa Dakota y sigui pa Santa Cruz te na e cruzada. Na cruzada di Santa Cruz a lora man drechi bai direccion Drive Inn y bin ariba direccion San Nicolas. E tabata bai poco poco pasobra mester a saluda e cantidad di hende tambe cu tabata pendiente pa su pasada direccion San Nicolas. Esaki ta algun di e imagennan prome cu lider di AVP a yega San Nicolas. Otmar Oduber tambe tabata den e parada cu un grupo grandi di simpatizante cu a yega na Joe Laveist pa e Green Walk.

Na San Nicolas tabata tin un massa di hende cla pa sali cu e ‘bike ride’ (10 km) y e caminata di (5 km).  Great pa wak hende jong y grandi bin sostene nan partido y hasi actividadnan activo hunto representantenan di nan partido.

Masha danki pueblo di Aruba pa e sosten diadomingo durante Green Walk. Bon trabou!