Nos ta yegando na e recta final pa cu campaña electoral 2021. Otro siman Aruba mester sali y vota pa e candidato di nan escogencia.Sra Jennifer Arends- Reyes a sa di ricibi e apoyo masal for di comunidad yegando asina hopi di serca pa scucha e dolor y e preocupacion cu ta bibando bao di nos hendenan.Un politico hoben cu ya caba tin 8 aña di experencia den Parlamento di Aruba cu tin e grito di e pueblo na su curason. Un politico cu ta duna su votadornan e voz den Parlamento y cu a bin ta lucha pa varios cambio via mocion y cu awe ta contento di waknan realisa danki na su trabao, perseverancia y esfuerso. E trabao no a caba ainda, Jennifer tin turismo hopi na pecho y ta cla pa sigui traha y lucha pa un mihor bienestar economico pa Aruba.
Turismo ta e pilar economico di Aruba, cu durante pandemia ta e sector cu mas a sufri y cu tabata tin recorte di trabao. Pero netamente ta turismo ta e sector cu lo percura pa Aruba lanta bek riba su pia. Jennifer kier trece Turismo bek riba un mihor nivel cu e tabata percurando asina un mihor trato, cuido y ‘upgrading’ pa tur esnan cu ta traha den e sector aki. Aruba merece un turismo di calidad halto cu e aspecto ecologico y mas cu claro manteniendo e autenticidad di Aruba. Kiko ta identifica Aruba su Turismo? Nos hendenan, pesey Jennifer su compromiso pa cu Turismo ta nos hendenan. “Turismo Ta Nos”, un campaña cu Jennifer a start sali cune pa trece un cambio den e actitud di nos hendenan cu ta trahando den e sector aki, esnan cu a sufri durante e pandemia pero cu awor ta dispuesto pa duna nos bishitantenan lo mihor di Aruba. “Turismo Ta AMI”: Un dicho cu mester identifica cada un di nos trahando riba Aruba pa sigui duna e bon servicio cu nos ta reconoci pe, e amabilidad cu semper a destaca den nos hendenan, e cordialidad cu ta biba den nos, esaki ta identifica tur esnan cu ta traha den e sector aki.
E plan ta pa trece mas linea crucero cu lazonan estrecho y exclusivo pa cu Aruba. E proyecto di Port City mester wak luz di dia, esaki lo percurpa pa reactiva y optimalisa mas aun nos economia. Mester percura pa Aruba sigui cumpli cu leynan internacional di seguridad pa aviacion y trafico maritimo, igual continua na cumpli cu e standardnan di ICAO pa aviacion civil. Como Presidente di Comision di Turismo pa Parlamento di Aruba, Jennifer a hasi di mantene relacionnan importante cu partnersnan den turismo tanto nacional como riba nivel internacional.
E escogencia ta den bo man. Si bo tin turismo y nos pilar economico na pecho, no duda mas y duna bo sosten na un parlamentario hoben, cu experiencia y profesional: Jennifer Arends-Reyes #11 riba e lista berde di AVP. Corda cu turismo ta den bo man, Turismo Ta NOS!
