fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Aruba mester di Gobernantenan cu experencia

Nos ta 3 siman leu for di Eleccion 2021, unda cu Aruba mester vota pa un Gobierno cu ta dispuesto pa traha na bienestar di su pueblo. Un voto pa Sra Jennifer Arends- Reyes ta un voto pa continuidad di trabao duro cu ela bin ta haciendo den Parlamento pa 8 aña caba. Aruba mester di Gobernantenan cu experencia pa continua na guia y traha pa Aruba. Un eleccion sumamente importante cu ta bai difini e rumbo cu pais Aruba ta bai tuma pa e promixo añanan nos dilanti.

Sra Jennifer Arends- Reyes no a drenta politica awor, su voz ta resonando ya pa 8 aña caba den Parlamento unda cu e tin varios cambio grandi via di mocion tras di su nomber. Aruba merece Gobernantenan cu experencia pa sigui Goberna e pais aki. Un representante cu voz firme cu lo cumpli cu e mandato di e pueblo, un oido pa su votadornan y cu un curason grandi y humilde pa cumpli cu e trabao.Jennifer ta bo candidato perfecto pa Enseñansa, un docente di curason cu amplio experencia den e sector aki. Hopi docente a bira politico pero poco ta esnan cu di berdad a lucha consistentemente pa Enseñansa manera cu Jennifer a bin ta hasi e ultimo 8 añanan como parlamentario pa partido AVP. Su amor pa hoben y mucha ta core den su DNA. E unico parlamentario cu a trece dilanti pa cuminsa sondea e posibilidad pa introduci un ‘start kwalificatie’ y cu awe tin un mocion su tras aproba unanimamente. 

Jennifer kier crea mas oportunidad pa un y tur cu kier continua cu un estudio. E ta para firme y kere den desaroyo personal pa un mihor Aruba. Jennifer kier mehora e sistema di integracion di Eseñansa Hulandes pa tur yiu di immigrante cu a bin pa contribi na nos isla tin e derecho pa un Enseñansa digno, pa tin e mesun derecho cu cualkier mucha aki na Aruba. Introduci mas ‘klassenassistent’ y trahador social pa sigui guia y yuda cada un hoben y mucha cu nan desaroyo. A yega tempo pa duna scolnan special e atencion debido y necesario, sin lubida riba ‘upgrading’ tecnologico pa cada un scol aki na Aruba. E derecho di cada un mucha mester biba den nos comunidad, mester tin concientisacion durante ful e aña y no ora di campaña electoral so. Tin e necesidad di cada hoben y mucha di berdad na pecho manera cu Jennifer kende semper a enfoca ariba prevencion, y reenforsa e centro di cuido di muchanan. 

E trabao no a caba, e lucha mester continua pa salba Aruba. Sra Jennifer Arends- Reyes, candidato number 11 riba e lista victorioso di AVP ta conta cu bo sosten! E sosten masal cu Aruba a bin ta dun’e ya pa 8 aña caba pa asina e sigui cu su lucha pa entre otro nos hobennan, muchanan y maestronan di Aruba. Dia 25 di juni, corda bon cu 11T’esun riba e lista di AVP

Leave a Reply

Your email address will not be published. Required fields are marked *