fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Minister Presidente yorando mientras ta suta pueblo cu medida!

Prome Minister Evelyn Wever Croes ta gañando asina hopi, te cu el a cuminsa kere su mes, ta loke miembro di fraccion di AVP, sr Benny Sevinger a declara na medionan di comunicacion.

Sr Sevinger entre otro a trece dilanti cu Prome Minister a dicidi di dirigi su mes na pueblo di Aruba, un dia despues cu lider di partido AVP, sr Mike Eman a haci esaki. Den su discurso, Premier Wever Croes a confirma tur loke sr Eman a trece dilanti riba e situacion di e pais.

“Nos por a scucha un  Prome Minister yorando cu e no por soluciona e situacion di e pais, cu e la hereda un situacion cu e no a spera, pero ta mesun Evelyn Wever Croes aki durante di campaña electoral, a gaña pueblo cu su persona y su partido tin solucion pa tur problema di Aruba.

Señora Evelyn ningun momento a bisa pueblo den su discurso cu nos lo bai pasa den duro, cu e lo bai hinca man den boso saco pa nos a bay padilanti.

Al contrario mi persona y pueblo di Aruba por a scucha un yoramento riba herencia, cu el a haya un situacion cu e no por cumpli cune cu e no a premira pero den campaña bo tabata tin tur solucion tog? Awendia bo no por gaña ningun hende mas y e señora aki ta gaña asina hopi te cu el a cuminsa kere su mes.

Pa nos pone un ehempel bon cla, den gobernacion di sr Eman, tur Jaarrekening tabata bay Parlamento, tur cifra tabata wordo reconoci dor di Departamento di Finansa, dor di Rekenkamer, dor di CFT, pues tur cifra tabata conoci di e situacion di nos pais.

Awor e ta pretende cu el a wordo sorprendi, cu e no tabata sa nada di esakinan, un otro mentira atrobe e Prome Minster, pa tapa su incapacidad pa goberna un  pais cu el a haya den pleno desaroyo y manera cu el a bisa, un trein cu tabata bayendo riba un speed halto.

Awe Evelyn a coy e trein aki y a pone para y cu su propio palabranan a bisa pueblo, cu e ta pega den un bocht, caminda e tin cu tuma mas medida contra pueblo pa trein por sigui core.

CaFT a bisa Prome Minister den forma cla y raspa cu su gobierno no ta tumando medida pa paga ningun debe, mustrando cu debe di e pais ta sigui  crece pa motibo cu E a subi presupuesto cu mas di 100 miyon florin conpara cu e presupuesto cu e la haya.

Ora cu pueblo a scucha e yoradera di Premier Wever Croes dialuna anochi, cu el a baha total di 9 minister pa 8 minister caminda e tabata kier 7 minister so, pero e scorpion di POR a dicidi otro, caminda ta bon pa mustra cu nuebe minister di gabinete Mike Eman tabatin un presupuesto di  1.4 biyon pero e presupuesto di e 8 ministernan di e gobierno actual, a subi cu 100 miyon mas.

Pues no ta e cantidad di minister cu tin ta conta pero kico ta duna cada minister ya cu si un minister tabata haya 50 miyon  pa su departamento den e gobierno anterior y awor ta haya 100 miyon, ta aumenta e gastonan di gobierno.

Bo gobierno a ranca placa di pueblo, a aumenta gastonan di gobierno y tur e placa aki cu a kita for di pueblo, no ta yega pa e presupuesto cu bo kier entrega y ora cu mira den e presupuesto aki unda e placa ta bay,  ningun hende por mira esey y su mes no ta mira esey.

Ora cu nos scucha Premier Evelyn papia cu el a baha gastonan di biahe, ta lanta e pregunta cual biahamento? ya cu recientemente a sali na cla cuanto e ministernan aki ta gastando bulanto rond mundo.

Pa mustra esaki un biaha mas, Minister Dangui Oduber cu mester ta esun cu mas mester biaha, a gasta mas di 300 mil florin biahando 37 dia, Minister Andin Bikker a biaha 40 dia gastando 320 mil florin, Minister Rudy Lampe mientras cu no tin placa pa enseñansa, a pone den presupuesto un suma di 250 mil pa un conferencia riba cannabis y su persona a biaha 83 dia gastanto 660 mil florin.

Minister Otmar Oduber a biaha un total di 83 dia y ta lanta e pregunta di con un minister di infrastructura tin cu biaha pa haci, a gasta 665 mil florin, Minister di Finansa Xiomara Ruiz Maduro a biaha un total di 111 dia,  den menos di dos aña gastando 891 mil florin.

Nos ta haya minister Glenbert Croes cu a pasa 120 dia biahando a gasta 927 mil florin y Prome Minister Evelyn Wever Croes kende supuestamente lo a baha gastonan di biahamento, a biaha 139 dia gastando 1.1 miyon florin na esaki.

Pa culmina e lista di biahamento aki, nos ta haya Minister Chris Romero kende a biaha 200 dia den apenas un aña y mei gastando 1.5 miyon florin di nos pueblo anto Prome Minister kier convence pueblo cu el a hala faha mara, cu e si a corta den gasto di biahamento.

Esakinan ta prueba cu ta mustra cu e hendenan aki ta mentiroso y kier tuma pueblo haci,” Parlamentario Benny Sevinger a mustra.

Leave a Reply

Your email address will not be published. Required fields are marked *