fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Ex Prome Minister Eman  den deliberacion cu Presidente di Parlamento

E bishita diaranson mainta di lider di AVP Mike Eman na Parlamento a causa hopi pregunta. Pero a resulta cu e no tabata nada pa anuncia su regreso sino pa combersa cu Presidente di Parlamento Ady Thijsen riba diferente desaroyo.

Den e encuentro aki Eman como lider di AVP a expresa su preocupacion riba e.o. e peticion di CAft pa duna Aruba un “aanwijzing”, pero tambe e diferente medidanan cu a wordo tuma y cu tin na caminda. Pueblo ta steun hopi riba oposicion pa para e situacion aki pa motibo cu pueblo no por carga mas peso, nan presupuesto no ta permiti esaki. El a recorda con den pasado a scoge pa inverti y crea mas circulacion di placa. 

E dialogo cu Thijsen tabata hopi riba Aruba, kico por haci pa yuda Aruba. Hecho ta, Eman a bisa, pueblo ta hopi desapunta con e pais ta wordo maneha y tin gastonan cu no ta husto cu pueblo mester paga pa nan. E lider di AVP a bisa cu e ta kere cu lo bin un debate den Parlamento, e hecho cu Gobierno a dicidi di no ratifica e ley di LAft. Esaki hunto cu e peticion pa aanwijzing ta mustra cu e comunidad cada bes ta biba mas den un incertidumbre. AVP ta kere cu mester tin un cambio di direccion y nan ta kere cu mester tin dirigentenan cu ta mira cierto temanan na un plaso mas largo en bes di e solucionnan rapido. 

Mike Eman den su declaracion a bisa cu bringando pa pueblo pafo di Aruba tambe tin hopi balor. E pueblo kier wordo scucha, y ora cu bo ta den Parlamento kisas no tin e mesun tempo y dedicacion pa scucha e hendenan manera cu e ta logra haci awo. Awo e tin espacio pa t’ey cu comunidad na tur momento. E hecho cu e no ta den Parlamento, el a bisa, ta dun’e un bista mas amplio y haya chens pa recoge mas informacion di con e pueblo ta sinti y kico nan kier. Tin biaha mirando e cosnan un tiki los di color politico, ta dun’e yega na un miho vision. “E oranan cu ta mi ta hinca pa sirbi cada ciudadano, ta hopi mas di loke si mi tabata den Parlamento. Mi ta sinti cu mi ta un vocero di esnan cu no a vota pa nos partido tambe.”

Tambe el a bisa cu nunca el a mira cu un Gobierno a perde un sosten popular den menos cu dos aña cu nan ta den Gobernacion y esaki mester ta un les pa tur hende. Nunca mester tin un promesa electoral cu no por cumpli cu nan den gobernacion. No por bisa cu ta bay goberna sin medida, baha edad di pensioen, baha prijs di costo di bida, baha prijs di awa y coriente, y no ta cumpli, ta un engaño grandi pa esnan cu a deposita nan confiansa den e partido ey a base di e promesanan haci. E cantidad di contratiempo cu pueblo ta biba aden vs e vision real pa maneha e pais, ta loke ta creando un desapunto grandi cu Aruba ta bibando den dje. Esaki ta e sentimento cu a keda expresa na Presidente di Parlamento, pero kitando e bril politico un banda na bienestar di pais Aruba. E maneho awor ta demasiado politiza, tur cos ta wordo poni den esfera di antagonismo politico, y awe ainda despues di 2 aña ta sigui tira culpa riba e Gobierno anterior.