fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

DSC_9152Diamars mainta un biaha mas lider di AVP Mike Eman tabata invitado special di un grupo di studiante, e biaha aki di St. Michael School na Brazil.

E hobennan tin e tema di Politica pa traha riba dje den e dianan aki en vista di eleccion y cada grupo a haya un partido pa traha riba dje. E grupo na turno diamars, a invita lider di partido berde pa duna un splicacion di politica na nan compañeronan di scol. Esaki a bay den un ambiente sumamente agradabel unda cu Mike Eman, kende ta presidi e actual Gobierno di Aruba, Gabinete Mike Eman, a wordo ricibi cu gran alegria pa e hobennan.

El a splica nan e importancia pa tin politico na tur pais na mundo y cu esaki ta un profesion noble unda cu mester traha cu alma y curpa pa bienestar di e pueblo y pais. Prome cu el a duna discurso, un di e hobennan a duna e mandatario un splicacion di e forma con juffrouw a parti e grupo. Pero tambe el a splica cu Parlamentario ta wordo scogi y tey pa controla e Ministernan, demostrando asina cu nan a compronde hopi bon e parti con Gobierno y Parlamento ta hinca den otro.

E prome pregunta cu lider di AVP a ricibi tabata ken a bini cu partido AVP y con esaki a surgi. Eman a bay te na historia di su welo, kende ta esun cu a cuminsa cu un movemento politico, pasobra e pueblo tabata kier pa Aruba tin su mesun Gobierno. El a splica con reunionnan tabata tuma luga pa discuti temanan di Aruba. “For di esaki a surgi un “volksbeweging” y dor cu e tempo ey tur cos tabata na Hulandes, el a haya e nomber di Arubaanse Volkspartij.” Pero tambe e hobennan tabata kier sa e diferencia entre un Presidente y Prome Minister. Na Aruba tin un sistema Parlamentario, cu partido ta bay eleccion y e partido cu gana ta forma e Gobierno cu su Ministernan.

Pero tambe e hobennan tabata kier sa for di Eman kico e lo kier haci pa e scol mes. E mandatario a splica cu nan lo bay traha pa e scol por haya airco, pero tambe kier pa tur scol tin un area pa haci gymnastiek, ya cu no tur scol tin espacio suficiente pa recreacion y deporte. E mandatario a bisa cu su soño ta cu pa logra mantene interes di muchanan pa les pa cual e ta desea pa na scolnan tambe haci uzo di tecnologianan moderno manera laptop y Ipad. “Nos kier haci nos scolnan mas up-to-date, mas moderno pa sigui mantene interes,” e mandatario a splica e hobencitonan. El a splica tambe cu Gobierno a cuminsa drecha scolnan pero ainda falta mas trabou pa haci. E hobennan di nan banda a duna un resumen di e problemanan of e necesidadnan cu nan como studiante ta sinti cu falta na nan scol.

E pregunta cu semper e lider di AVP ta haya for di muchanan ta: Con bo ta bira politico. Aki Eman a splica cu semper tin cu siña un profesion. “Ami a nace den un famia cu ta den politica. No necesariamente mi tabata sa cu mi lo bay bira politico, pero mi tabata gusta esaki. Banda di haci tur locual mester haci na scol, mi tabata haci huiswerk no obligatorio. Tur cos cu tabatin di haber cu politica. Mi tabata yuda mi rumannan parti flyers di partido, yuda traha bandera, y segun mi ta bira mas grandi, mi a cuminsa haci cosnan mas dificil. Manera yuda skirbi articulo, yuda pensa con pa drecha Aruba. Door di participa cu e hendenan grandi cu ta haci e cosnan, bo ta bay siñando y haya mas amor pa haci e trabou ey. Unabes cu e ta den bo curason, automatico e ta bin den bo pa bira politico.” Y a agrega cu mas importante ta, el a bisa, ta cu bo kier yuda pueblo y no pais. Na final e lider a splica kico a logra caba y kico mas kier logra pa pais Aruba.

Leave a Reply

Your email address will not be published. Required fields are marked *