Den Parlamento a trata ayera e ley nobo cu ta regla derecho di empresanan y entidadnan comercial na Aruba. Esaki ta Buki 2 di nos Codicgo Civil riba rechtspersonenrecht. Diferente gruponan di trabow consistiende di expertonan y profesornan di ley a sinta e ultimo 10 añanan pa prepara esaki. Varios Parlamento, como tambe varios parlamentario cu awendia no ta parlamentario mas, a participa den e reunionan preparatorio pa awe por a trata e ley corporativo di nos codigo civil. E proceso a conoce un empuhe grandi durante Gabinetenan Mike Eman 1 y 2 y awe, finalmente, Gobierno actual a presente na Parlamento.

E producto final ta uno moderno y cu un relacion fuerte cu nos sistema di hasi negoshi na Aruba y dirigi na actividadnan economico nobo. Entre otro e Codigo Civil riba entidadnan hurido ta mantene e N.V. manera nos ta conoce, asina Parlamentario di Fraccion di AVP, Richard Arends, a expresa y ta incorpora e VBA integralmente como di dos tipo di entidad den e Codigo Civil. Anteriormente esakinan tabata wordo regla den leynan apart. Pa loke ta trata e futuro di AVV’s a hasi e cambionan necesario pa esakinan wordo transforma den VBA’s y ta elimina e posibilidad pa crea tipo di entidadnan asina. AVV’s ta wordo usa primordialmente den mundo di off-shore y no tabata cumpli cu e rekisitonan y regulacionan internacional di awendia. moderno. E parlamentario ta remarca cu trabow no a caba ainda, ainda Gobierno mester presenta un ley di implementacion pa e parti corporativo di Codigo Civil nobo tin su efecto den nos sistema legal.

Comision Fiho di Parlamento cu ta trata asuntonan di economico y financiero a sinta cu stakeholders pa scuchanan tambe. Esaki tabata pa asina Parlamento por a prepara nan mes pa atende cu e ley aki. E comision a haya un splicacion tecnico di e departamentonan concerni pero como tambe di minister. Fraccion di AVP a e logia tambe cu coalicion a duna sosten na un ley cu ya caba pa hopi aña ta den pipeline y finalmente a trata esaki den Parlamento.

Esaki ta un paso hopi grandi pa modernisacion, sincronisacion y harmonisacion di e derecho corporativo di Aruba. Richard Arends ta kere cu esaki lo contribui facilita comercio y atrae inversionan. E lo simplifica establecimento di empresa , cumpliendo cu e reglanan financiero internacional. Como cu e ley ainda no tin efecto, fraccion di AVP ta urgi pa presenta e ley di implementacion lo mas lihe posibel.

FIN