fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Prome Minister di Corsou a reconecta cu Mike Eman den filosofia y vision

Prome minister di Corsou, Eugene Rugghenaath a keda contento di a topa cu ex prome minister Mike Eman. Nan a reconecta atrobe a base di nan filosofia y vision, con kier mira e paisnan den contexto mas amplio. Pero a base di norma y balornan y un filosofia di comunidad. Riba esey ta mira cu Eman ta tumando pasonan y gustosamente Corsou lo kier join den edifica y educa nos hendenan pa tuma over despues. Aunke cu Eman tin hopi energia ainda, pero mester traha riba e siguiente generacion. Ey banda sigur sigur, Rugghenaath kier wak con pa colabora cu otro.

Tin conexion ainda y e ta bon fuerte. E amistad ta bay hopi aña atras, pero tambe a base di e pasion y vision, kier wak con por colabora y tambe sostene otro den e mision cu tin pa nos paisnan y pa comunidad y region tambe.