Contrario na loke gobierno ta indica, e conseho di e Comision di Supervision Financiero riba presupuesto 2019 no ta positivo. Segun CFT no tin cambionan structural den e maneho financiero y gastonan ta sigui subi envez di baha. CFT ya caba a indica anteriormente cu lo mester baha gastonan di personal cu 12 miyon florin sinembargo al contrario e gastonan a subi cu 10 miyon. Segun Wyatt-Ras gobierno a ganja pueblo cu tin Mega debe y cu tin crisis pa bai suta nos pueblo cu medida. A bin cu crisisheffing pero e crisisheffing a yuda pa paga gastonan di luho di gobierno. Envez cu a baha gastonan di gobierno esakinan a subi. En especial gastonan regardando personal a subi. A kita personal cu no ta di nan signatura pa pone nan amigo y famia. Pesey mes a kita 300 hende foi trabou pa pone 400 hende. Gobierno pues no ta cumpli cu pueblo. Ademas e ley CAFT a caduca. Tanto cu esnan cu ta den gobierno awor a bisa cu nan no kier CFT awor lo keda vigila si nan lo bai di acuerdo cun’e. Un otro punto ta e crisisplan cu CFT “a tik gobierno op de vingers” cu e no ta verwerk den e presupuesto 2019. Anto minister a bin cu un carta Parlamento pa e por administra e placa di crisisplan y ganja cu AVP ta contra esaki. No ta berdad. Mester verwerk e crisisplan den un  fondo regla pa un landsverordening pa Parlamento por controla esaki debidamente, segun Wyatt-Ras. E parlamentario ta sinti cu gobierno no lo bai haci esaki. E consecuencia lo ta cu gobierno por hevel placa djaki paya den presupuesto dor di cual no lo tin bista cla riba esaki. E intransparencia aki lo haci cu Parlamento lo por por haci su trabou di control debidamente. Wyatt-Ras lo manda pregunta atrobe pa minister di Asuntonan Social y Labor. Minister te dia di awe no a contesta preguntanan haci anteriormente dor di e Parlamentario. Pa loke ta e crisisplan lo mester defini kico ta crisis y stapnan pa tuma den caso di crisis. Tambe Wyatt-Ras ta cuestiona e caracter temporal di nombracionnan den sector social. Hecho ta cu e gobierno aki a ganja pueblo. Unda cu bo bai nos hendenan ta keha cu prijsnan a subi, comerciantenan ta preocupa paso dor cu costonan a subi, nan ta hisa prijs. Esaki tin consecuencia ariba e clientela dor di cual negoshinan ta kita hende foi trabou y tin hasta mester a sera nan portanan. Pero gobierno no ta interesa den esaki sino den su propio interesnan. Wyatt-Ras y su coleganan ta keda den espera di e presupuesto di anja 2019. Den reunion cu Parlamento na comienso di september gobierno a indica cu e presupuesto lo drenta Parlamento den un luna. Ya e luna a pasa y ni foe ni fa di e presupuesto.