fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Un gobierno cu no kier carga responsabilidad gubernamental

Un minister di husticia cu ta sigui culpa e minister anterior, un minister di infrastructura cu ta busca hende pa para responsabel, un fraccion den parlamento cu ta sigui controla gobierno anterior y hunga marioneta pa e actual gobierno.

Parlamentario pa fraccion di AVP, Benny Sevinger a mustra cu mientras cu e gobierno aki ta bay cumpli un aña na poder,  ainda nan ta sigui papia di e gobierno anterior, ta sigui atende cu asuntonan cu no ta na interes di pueblo y ta busca tur hende pa culpa menos nan mes.

“Mi no ta compronde e expresion di Minister di Infrastructura, kende asina cuy awacero cay ta busca un plas di awa pa e bay para y haci comentario buscando gobierno anterior di cual e mes a forma parti di dje pa shete aña, pa culpa mientras cu pa tur e cosnan aki, ta e  como Minister ta esun responsabel.

A menos cu e ta buscando un forma pa pone un otro director un banda ya cu esey a bira e modus operandi  di su persona desde cu e ta bin e gobierno aki.

Tempo mi tabata Minister , no tabta importa kende a haci fout pasobra mi persona  como Minister tabata carga e responsabilidad.

Ultimo tempo pueblo ta mira un gobierno cu continuamente kier tira culpa riba e Minister anterior, of ta mira ken otro por culpa, den e caso aki e directornan, kendenan tambe ta carga responsabilidad pero na final abo como Minister ta responsabel.

Nos a mira e situacion aki cu Minister di Husticia actual tambe  ora cu el a laga e pedofilnan Sali liber y a pone Ministerio Publico sinta banda di dje, pa duna e impresion cu e no tin nada di haber cu esaki.

Pero abo a firma e documentonan, abo tin cu carga responsabilidad y no ministerio pueblico.

Den e caso di yobida y proyectonan di infrastructdura den ehecucion,  nos ta mira Minister Otmar Oduber ta tira culpa riba tur hende, menos riba su mes, pasobra e no tin e capacidad pa mira e problemanan di Infrastructura.

Nos a mira esaki di tempo di Marisol y awor ta mir’e atrobe cu e minister di infrastructura aki.

Si bo no ta compronde e materia, bo ta tira scop tur caminda, menos bo por mira bo responsabilidad y menos pa bo soluciona e problemanan. Un yoramento un aña despues cu bo ta Minister. No tin un proyecto cu e por mustra cu el a haci,”  Benny Sevinger a mustra.

 

 

 

Leave a Reply

Your email address will not be published. Required fields are marked *