Parlamentario di AVP Benny Sevinger a declara cu ta increibel con un minister cueste lo que cueste ta pone interes di sponsor riba interes general, es decir riba interes di pueblo.
Con mas bisto e por ta pa comuinidad cu minister Otmar Oduber cueste lo que cueste mester cumpli cu sponsernan di campaña. For di ora el a bira minister den e gabinete Oduber Wever Croes, cobransanan di sponser a cuminsa drenta.
Esun mas bisto ta e huur di e exedificio di DTI. E edificio aki su huur a ser termina despues cu gobierno a huur esaki pa 14 aña y cu construccion di Green Corridor y cu kehonan di trahadonan riba e edificio aki, cu no ta cumpli mas cu nesecidad di DTI. Gobierno consecuentemente a termina e contract manera te prescribi den e contract.
DTI a muda pa un edificio nobo cu tur ekipo y exigencianan cu un DTI moderno ta demanda.
Minister Oduber apenas a bira minister y un di e prome decision cu el a tuma ta pa purba kibra e contract nobo di DTI y a firma un contract nobo cu sponsor pa bay bek den e edificio bieu na Pos Chikito.
Es decir pa por lo menos 3 luna pueblo a paga dos huur costando mas di un kwart miyon di florin (Afl.250,000,=) pa esun bieu na Pos Chikito y esun nobo na balashi. A bai Corte pa kibra e contract nobo y Hues a bisa minister cu e tin cu paga.
Cu e veredicto aki a pensa con por sigui huur e edificio bieu di DTI pa sponsor no perde placa y aki ta inventa un DUMP nobo y laga SERLIMAR firma un contract cu no tabata den nan plan. Parlamentario Sevinger a sigui bisa cu ta bisto cueste loque cueste ministert Otmar Oduber mester huur e edificio aki.
Puntra bo mes kico por ta e motibo y bo mes por saca bo conclusion cu ta pa cumpli cu sponsernan.
Serlimar no tin den su plannan pa recicla ningun clase di sushi na e luga aki, si a caso tabatin un plan, esaki por a wordo haci na Parkietenbos unda Serlimar tin un edifico pa esaki.
NO tabata tin un plan, SERLIMAR NO tin placa pa pague, NO tabatin un conseho di ningun comision, NO a puntra Hunta di Comisario, NO tabata tin nigun dialogo cu trahadonan, NO tabatin nigun dialogo cu sindicato, muchu menos cu habitantenan di Pos Chikito y vecindario.
Durante tratamento di presupuesto minister Otmar Oduber ningun momento a bisa parlamento cu e tin un plan pa bay recicla sushi na Pos Chikito, mustrando claramente cu ta algo cu e minister a inventa despues cu e la mira cu Hues no ta bai lag’e kibra contract na e edificio nobo di DTI.
Es decir cu DTI no ta bay bek den e edificio na Pos Chikito ta dicidi di laga SERLIMAR firma un contract di huur pa e edificio aki. Pueblo por mira claramente cu placa tin cu sigui lora pa sponsernan y no pa interes di pueblo.
Awor cu ta ser confronta cu SERLIMAR no tin placa pa paga pa e huur aki ta dicidi di pasa cuenta pa pueblo cu un otro medida di 90 florin pa luna pa recoge sushi riba tur e otro medidanan cu gobierna a tuma caba, aumento di BBO, BAZV, BAVP , GASOLIN, ACCIJNZEN, TUR SERVICIO DI GOBIERNO Y AWOR SUSHI tambe.
Parlamentario di AVP Benny Sevinger a termina bisando cu pueblo ya caba ta mira e diferencia di un Gobierno cu a inverti den comunidad tur rond di e pais, versus un cu ta medida so nan sa tuma pa enrikece nan mes y esunnan cerca di nan y claramente sponsernan!!!!!!
