E Parlamentarionan a reuni cu representantenan di CAft. E reunion aki a ser teni den e comision fiho encarga cu finansas, organisacion di gobierno, cultura y deporte. Na e ocasion aki presidente di CAft. profesor Gradus y representante di Aruba den e comision, mr. van der Wal a hiba palabra y contesta preguntanan di e fraccionnan. Fraccion di AVP a haci diferente pregunta, entre otro
encuanto e bezuiniging di AZV den cuido, cuanto ta e suma, eigenbijdrage y e peso riba stakeholders den cuido y nos pueblo. A puntra encuanto recorte den personal na unda y cuanto lo ta e suma, temporada di introduccion di BTW y su consecuencianan financiero. Tambe a puntra encuanto vision di CAft pa loke ta trata flexibilisacion di ley di labor, kico por logra cu esaki y su time table.
Otro preguntanan ta ki tin na bista ora ta haci onderzoek na dolarisacion y e idea su tras.
Ademas a puntra encuanto investigacion di valor agrega di overheidsbedrijven y privatisacion di nan. Locual ta lamentable ta cu gobierno di Aruba ainda no a entrega presupuesto si anja 2022, mientras esaki lo mester wordo trata prome cu 15 di december. Rijksministerraad tampoco a trata asunto di Aruba pa e siguente tranche.
