fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Nos hobenan ta sufri mas na man di e pobresa creciente

Riba tur e situacion difícil den comunidad ta drenta e noticia cu ta bai para FASE y salarissubsidie sin cu tin un bista cla ainda cua ta gruponan vulnerabel y desemplea cu ainda mester judansa. Den elección a priminti cu después di FASE ta bin un programa cu yama TIO, pero aparentemente esaki lo no ta sigui segun información di autoridadnan hulandes. 

“Pobresa y hamber ta birando un realidad penoso den miles di cas na Aruba. Nos no mag como sociedad accepta e rumbo aki pa nos Pais. Inhusticia social, desigualdad di entrada y di oportunidad lo impacta nos comunidad pa un tempo hopi largo cu tur su conquencianan negativo”, e líder di fraccion di AVP, mr. Mike Eman a expresa. Eman ta mira cu nos hobenan ta esnan cu hopi ta sufriendo bao di e pobreza na cas. “Ta unfair pa inocententenan bira victima di e situación aki. Eman ta bisa cu den 8 anja di su gobernacion semper a keda pone atencion na fortifica e poder di compra di nos ciudadanonan den tur forma, pero awe e ta ranca so ta worde ranca di pueblo y creando infelicidad, pobresa y hamber.

Recientemente Banco Central di Aruba a haci un estudio di e estado di e situación socio-economico di bienestar di hogarnan na Aruba, “Financial Wellbeing of Households”. E estudio di Banco Central ta confirma e pobresa cu nos a mira den comunidad e líder di fracción di AVP, mr, Mike Eman ta expresa. Eman ta cita e e relato riba e rapport: “e resultadonan ta confirma cu mas cu 60 porciento di famianan den nos comunidad a keda afecta door di perdida di entrada”. 

Nos no ta mira ningún plan of acción pa trece un alivio pa nos comunidad. E único locual nos ta mira cu tin riba mesa ta mas medida. Cortamento den remedi y otro servicionan di AZV, introducción di un BTW di 12.5% c uta bai bin riba tur e costonan cu ya ta halto caba. Un otro sla pa famianan na Aruba. Den su rapport Banco Central ta bisa cu hustamente e poder di compra di e famia mester ta e motor di nos economía. Pero manera cosnan ta baiendo nos conciudadanonan ta worde strangula na man di costo di bida y hunto cune e poder di compra cu ta asina importante pa nos economía. E desaroyo aki e líder di fraccion di AVP, mr. Mike Eman ta haya lamentabel y unfair pa nos pueblo. E ta bisa cu su fraccion ya caba a haci proposicionan concreto, manera judansa pa famianan cu muchanan special (gehandicaptenuitkering) y introducción di un huurtoeslag. Envez di mas medida y trato unfair nos lo insisti riba alivio pa nos hendenan, un País husto pa un y tur, Eman ta accentua.