Apesar cu gobierno a dicidi di pospone cobransa na pueblo pa recoge sushi di cas, e situacion no a wordo aclaria y soluciona ya cu e medida ta keda colga pa un tempo y pa dia prome di januari 2019, esaki lo drenta na vigor.

Parlamenario Robert Candelaria di fraccion di AVP ta mustra cu lider di fraccion di MEP a pidi un reunion publico pa minister di infrastructura bin splica Parlamento, di con e kier a introduci e cobransa pa recogemento di sushi di cas, mientras cu Parlamento ya caba a aumena e presupest d Serlimar den presupuesto 2018.

“E medida di extra cobransa pa recogemente di sushi, minister a anunci’e net prome cu tur medida cu gobierno a anuncia contra pueblo, cu tabata prome di juli y esey riba su mes caba ta alarmante.

E forma con e minister kier a haci’e, nos tabatin hopi pregunta riba esaki entre otro si ta un decision di Conseho di Minister of ta un decision di minister Otmar Oduber riba su mes.

Con e cos aki a yega riba mes, nos a mira cu fraccion di MEP a Sali dilanti hopi lihe y a mustra cu esaki no por y nan a haci cierto preguntanan.

Sinembargo e pregunta cu mi ta haya ms crucial tabata dia cu mayoria den parlamento a aproba e presupuesto, a aproba un suma extra pa Serlimar caba pa aña 2018.

E pregunta cu fraccion di MEP a haci e ora tabata si nan a duna e minister placa extra caba, di con e minister tin mester di mas placa y esaki tabata un pregunta hopi valido.

E ora e minister na su turno a bisa e ora cu e no ta bay cobra pa recogemento di sushi mas dia prome di juli pero lo bay cobra pa dia prome di januari y e ora e reunion no a wordo cancela of posponi pero e reunion a wordo kita for di riba agenda.

Cu otro palabra e reunion aki ya no ta existi mas!

Na mi opinion e cos aki no ta make sense ya cu ora kier  a puntra e minister cu despues cu a duna mas placa caba, di con e tin mester di mas placa y e minister a declara cu e tabata pa cobra pueblo prome di juli pero awor lo bay cobra prome di januari.

E pregunta cu kier a haci e minister, no ta cuadra cu e contesta cu e minister a duna ya cu na luga di splica di con e tin mester di mas placa, e minister a contesta c’un ‘uitstel’ di cobransa.

For di loke mi por compronde for di pueblo completo y mi ta kere cu partido MEP tambe a haya e impresion aki for di nan hendenan, cu pueblo no ta dispuesto pa bay paga extra y sigur ora cu mira e sumanan cu ta cuminsa pa un grupo chikito na suma hopi abou pero ta subi lihe bay para na 90 florin pa luna.

Tur esaki banda di medidanan cu gobierno a pasa caba y ya na januari ta bay tin mas medida manera pa pensionadonan,  y ta manera nos colega Richard Arends a mustra, cu gobierno a crea ‘the perfect storm, ’ ya cu gasolin ta bay sigui subi, e prijs di combestibel riba mercado internacional lo sigui subi y esaki lo bay afecta prijs di awa y coriente y cu na su turno lo bay tin influencia riba prijs di tur esunnan cu ta duna servicio.

Gobierno doodleuk a pasa un pakete di medida y na mes momento ta bisa pueblo cu ‘by the way’ na luna di januari mi ta pasa bo algun medida mas y esaki ta hopi fastioso con cosnan ta bayendo.

Mi ta mira tambe na mes momento cu e unicon den e coalicion riba kico nan kier como gobierno, unda nan kier yega y con nan kier hacie, ta totalmente fragmenta ya cu tin un desacuerdo, tin un tension grandi ya cu nos a mira riba dia di e reunion cu a wordo cancela, algun miembro di fraccion di MEP bandona sala na pleitamento y zundramento pafo.

Tur esaki pa colmo cu ta nan propio colega di coalicion mes a pasa nan un fastball y ta bon pa nan regla nan cosnan miho internamente pa ora cu sali pafo sali den un bloke pero no sali asina fragmenta y apesar di tur esaki, keto bay ta keda vigente cu lo cobra pa recogemento di sushia dia prome di januari.

Apesar c’un colega di MEP mustra nos cu si por a para e decision anterior, por para e proximo tambe pero atrobe ta bon pa tur colega tin na menta cu ora tuma e posicion asina, tin cu caba e trabou tambe y no laga pueblo pa su cuenta,” Parlamentario Robert Candelaria a declara.