fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

Definitivamente e momento a yega pa Minister di Husticia Andin Bikker cuminsa traha y duna pueblo loke su persona y su gobierno, a priminti di duna pueblo durante campaña electoral, esta siguridad y proteccion, Parlamentario Arthur Dowers di fraccion di AVP ta mustra.

Kisas e prome ayudo real cu Bikker por busca ta un forma di libra su mes di papia tur ora di ‘loke el a hereda’ y bay over na ehecuta su plan cu el a bisa cu e tin pero cu ningun caminda por mira algo di e plan aki, mescos cu e plan di su gobierno.

Mientras cu e minister a papia solamente el a hereda e por cuminsa ehecuta su plan pa reduci casonan di atraco, casonan di maltrato y otro incidentenan cu el a sigura su pueblo cu e tin.

“No tin un solo conferencia di prensa di minister Bikker cu e no ta papia di loke el a hereda, pero si ta sinta pronk asina cu algo bon pasa cu el a hereda di e maneho di gobierno di AVP y un di e problemanan cu e no tin nocion mes con pa atende cu esaki, ta vigilancia di nos costanan  cu el a bisa cu e lo preveni ilegalnan drenta nos isla.

Pa colmo minister di husticia bay asina leu na haci obsevacionnan riba un caso cu ta den pleno investigacion riba un ex minister dunando asina e impresion cu realmente e ta totalmente perdi den su funcion como minister di husticia.

El a papia di radar, el a papia di helicopter y el a papia di pone camara den tur bario, alarma pa tur cas pero  te ainda pueblo no haya algo esakinan y su declaracion y maneho no ta brinda pueblo un speransa cu dentro di poco e lo tin esakinan soluciona manera cu el a priminti.

Loke minister Bikker ta tremendo aden ta di trata di convence pueblo cu su incapacidad pa hiba un maneho cu solucion, ta culpa di otronan y asina e ta kere cu e por sigui cumpli cu su soño cu por fin e ta ocupa un puesto di minister.

Na luga di atende cu asuntonan cu ta regarda siguridad di nos pueblo, soluciona cosnan cu el a bisa cu e tin solucion pa nan, e minister ta gasta su tempo pa hunga victima mientras cu e unico victima na e momentonan aki, ta nos pueblo cu ta sufri na man di su gobierno cu a percura pa caos financiero, caos cu medidanan forsa riba pueblo y su incapacidad pa soluciona problema di criminalidad cu tanto el a bisa cu e tin.

Sinembargo esaki no mester ta un sorpresa pa ningun hende mas cu e incapacidad di minister Bikker a wordo confirma for di tempo cu el a bisa cu e tin companianan pa reapartura di e refineria pero ora cu e mester a presenta e compania aki den Parlamento, a bin resulta cu su amigonan aki a hay griep y ta mustra cu e hendenan aki ya tin un griep cu a dura mas cu dos aña caba.

E ta papia di un situacion di DIMAS, cosnan cu el a hereda pero den mesun rosea e ta papia cu e dosiernan ta na ordo y cu nan lo wordo ehecuta dentro di poco confirmando di e forma aki, su incapadidad pa realisa cu e unico cu ta fayando cu pueblo na e momentonan aki, ta su mes y su gobierno cu no por cumpli cu promesanan haci na pueblo.

Te ainda ta sperando riba un solo accion di minister di husticia cu por mustra algo riba un vision nobo, riba solucionnan realistico yno promesanan sin contenido cu ainda no ta brindando pueblo e trankilidad cu tanto el a priminti.

Ya caba nos a yega di bisa minister Bikker, cu e momento a yega pa e cuminsa haci algo, traha di berdad, bin cu e solucionnan cu tanto el a priminti y stop di papia di herencia buscando pa culpa otrona di su incapacidad,” Parlamentario Arthur Dowers a mustra.