fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Unico cuponan di trabou di gabinete  MEP tabata den Cocolishi pa famia y amigo

Ta sumamente tristo c’un partido politico manera MEP, no por mustra pueblo awor den campaña, cuanto cupo di trabou el a logra na crea den e tres aña y mey cu el a goberna e pais.

Melvin Tromp di AVP ta mustra cu na luga di crea cupo di trabou pa asina yuda esunnan cu no tabatin trabou, gobierno di MEP cu na cabes e lider di e partido Evelyn Wever Croes, a dicidi di kibra contract cu CITGO y asina a manda entre 600 pa 700 trahado di den e refineria cas.

Hasta e Minister di Labor Glenbert Croes a traha e asina yama CITGO Desk caminda a compila dato di tur hende cu kier traha den e refineria, pa sigura cu tur hende ta haya un trato husto pero nunca mas Glenbert a bisa algo of sikiera avisa esunnan cu a registra, cu su propio lider di partido a cera e luga y cu no tin chens pa trabou mas.

Aki ta bon pa señala cu e crisis di covid-19 a asota e pais, e situacion a bira ainda mas pio, caminda Aruba tin un gobierno cu ta sigui introduci medida contra di un pueblo cu el a haci pober y a laga sin trabou.

Melvin Tromp a mustra cu en realidad no ta totalmente corecto pa bisa cu gobierno di Prome Minister y Lider di MEP, Evelyn Wever Croes, no a crea cupo di trabou, ya cu tin algo cu su gobierno a haci, cu tog a percura pa algun hende haya trabou.

Esaki a tuma luga den e edificio di Cocolishi, cu a bira un centro di gobiernacion di su famia, caminda cantidad di “friends and family” a haya trabou, haya salarionan lucrativo sin cu pueblo a haya un maneho adecuado caminda a sirbi su interes.

Pa mustra con un grupo di famia di Prome Minister cu ta trahando den Cocolishi ta birando bon, tin cu señala, sin conta tur hende, sin conta otronan cu no ta famia, por bisa cu na solamente na loke ta wordo yama ‘toelage”, esta pa telefoon toelage, pa autotoelage, pa kleding toelage, e grupo di frieds & family di gabinete Wever Croes ta bay cas den un aña, mas cu 300 mil florin, placa cu por a wordo usa pa esunnan desampara, pa medicamento pa e pobernan.

Sinembargo ta un gobierno cu tin curason pa pueblo, cu tin pueblo central, por haci esaki y no un gabinete Wever Croes cu nunca a pensa riba pueblo.

Leave a Reply

Your email address will not be published. Required fields are marked *