Cas di Cultura tabata localidad di e prome lectura organisa pa Plataforma Hobennan Profesional diaranson anochi. Invitadonan di e anochi aki como oradornan invita tabata Sharleen Tromp y Karsten Klein cu a duna di nan banda kico ta motibo, kico ta inspira bo y con pa tuma e prome paso pa bira un politico. 

Sharleen Tromp a conta di su banda cu na prome luga su pasion di mas grandi cu el a comparti e anochi, ta yuda e hobennan descurbri kico ta nan talento y como tambe desaroya esaki y haci e escogencia corecto pa cu nan estudio. Conhuntamente cu e hobennan di Plataforma Profesional lo tin den futuro mas workshops, training pa asina nan tambe por desaroya y maximalisa nan potencial.

Tambe e ta menciona cu Karsten Klein a elabora mas riba e parti escogencia Politico, caminda su persona a basa su mes mas riba e parti di cu esaki ta bo Proposito, esaki ta bo yamada, y con pa tuma e escogencia aki.

E ta menciona cu na final varios hoben a aserke pa ricibi mas informacion y con e ta desaroya e parti di liderago aki, kico esey ta significa precies. Sharleen Tromp ta menciona cu e generacion nobo aki ta cla pa un politica nobo y cu su persona sigur kier ta parti di e new generation politics aki cu ta biniendo cu idea, strategia, pasion nobo. Y nos mester ta cla pa nan.