E ta un concepto nobo cu a worde introduci na Aruba na 2011. Na Hulanda ya algun anja conoce e systema di huurtoeslag, zorgtoeslag y kinderopvangtoeslag. Cada un ta pa juda un famia cu un entrada cu no ta alcansa pa paga algun gastonan basico manera huur di cas, prima pa seguro medico of di schoolnan pa cuida mucha ora majornan bai traha.

Gabinete Mike Eman a introduci repartietoeslkag hunto cu partnernan social cuminsando desde 1 januari 2011 un koopkrachtrecuperatietoeslag (reaparacion di poder di compra). Esaki pa tur empleado cu ta gana mensos di Afl. 2500,== pa luna. Durante e Dialogo Social a keda constata cu bida a bira extra dificil pa esnan cu un entrada bao di Afl. 2500,== pa luna. E tempo ey a constata cu inflacion causa pa BBO y prijsnan di petrolio a afecta e poder di compra na Aruba enormente. Pa juda den reinforza e poder di compra repartietoeslag a worde introduci. Reparatietoeslag ta Afl. 100,== pa luna pa esnan cu un salario minimo. E ta sigui un gliding scale te cu entrada di Afl. 2500, == e suma mensual Afl. 50, ==.

E doño di trabao tin cu pone e suma corecto di reapartietoeslag riba salario di e empleado. Si esey no ta sosode e empleado tin derecho di reclama. Tienda di Ley ta conseha tur empleado pa check nan payslip y mira si nan ta hayando reapartieyoeslag. Si esey no ta e caso por pasa na Tienda di Ley y lo traha un carta pa e doño di trabao pa alerte riba e derecho di e empleado. Por reclama cu forza retroactivo pa tur luna cu faya cu e empleado. Tienda di Ley ta habri tur Diasabra di 3’or pa 5’or na Cas di Partido. Juristanan gradua y studiantenan avanza den ley  ta atende Bo sin costo.