Delegacion di AVP , Lider di Fracccion AVP mr. Mike Eman acesora pa consehero di fraccion di AVP Wendrick Cicilia a continua cu reunionan na Hulanda. Delegacion di Partido AVP ta hasiendo un consulta cu diferente personahe importante na Hulanda relaciona cu e proposicion di Fraccion di AVP pa instala un Sociaal Cultureel Plan Bureau pa Aruba, Relacion den Reino Hulandes y demas tema nan di importancia pa Aruba. Awe Lider di fraccion di AVP mr. Mike Eman y Wendrick Cicilia a wordo calurosamente ricibi pa Paul Schnabel.
Paul Schnabel ta un sociologo admira y renombra na Hulanda. E la fungi como director di Sociaal Cultureel plan bureau desde 1998 te cu 2013. Paul Schnabel ta docente universitario na Universidad di Utrecht. Desde 2015 te cu 2019 Paul Schnabel tabata miembro di Eerste Kamer na Hulanda pa D66. Paul a enfoca ariba e tereno di asunto social, bienestar general, cuido medico, economia, enseñansa y labor. Alabes Paul Schnabel tabata miembro di e Wetenschappelijke Raad voor het Regeringsbeleid (WRR)
mr. Mike Eman a hiba un dialogo profundo cu Paul Schnabel ariba e experencia di Paul como director di SCP na Hulanda. A delibera ariba e structuranan necesario pa garantisa funcionamento optimal di un instituto manera SCP pa Aruba. A discuti e importancia di ehecuta esaki den colaboracion cu Hulanda.
Paul Schnabel a reconoce e necesidad di un instituto manera Sociaal Economische culturele plan bureau pa Aruba. Paul Schnabel a remarca cu: “e informacion di un instituto independiente y cu autoridad manera SCP ta necesario pa gobierno por formula maneho cu ta racional”
Eman: Cu hopi gana di juda nos director di Sociaal Cultureel Planbureau di Hulanda for di 1998 pa 2013, Hoogleraar Paul Schnabel, a comparti cu nos su conocemento y experiencia y a entrega nos su buki “Met mij gaat het goed, maar met ons land gaat het slecht, Het gevoel van Nederland”. Nota di AVP, ‘The Bigger Picture’, een pleidooi voor de institutionalisering van een Sociaal Cultureel Planbureau Aruba a inspira Paul Schnabel
mr. Mike Eman a subraya cu e proposicion di fraccion di AVP no ta solamente importante pa nos asuntonan interno, pero tambe pa nos relacionnan den Reino Hulandes pa asina nan por tin den bista e realidad socio-economico di nos Pais. Lider di fraccion mr. Mike Eman a splica cu proposicion ta cuadra den e vision amplio pa realisa e bon comun pa comunidad di Aruba.
