Situacion di bida di un gran parti di e poblacion ya desde cu Gabinete Wever Croes a sinta ta bayendo enormemente atras. Aruba mas y mas ta cayendo den un abismo social-ecnomico. E gabinete actual bou guia di sra. Evelyn Wever-Croes no ta duna  muestra di tin comprension pa e situacion aki. No tin iniciativanan economico pa crea cuponan di trabou nobo pa asina alivia e pobresa cresciente y fortalece nos empresanan y economia. 

Ya na 2018 y 2019 Banco Central di Aruba a mustra riba e efectonan negativo di e maneho di hisa gasto di Gabinete Wever-Croes. E crecemento economico di 2.3% na 2017 a baha na 2018 te yega na min 0.5%.  

Cerca consumidornan y inversionistanan Banco Central di Aruba a constata ya caba na 2018 y 2019 – hopi prome cu e pandemia COVID-19 – cu tabatin un desconfiansa y pesimismo den tur area pa loke ta futuro di Aruba. E tendencia aki a continua cu e maneho di Gabinete Wever-Croes II.

Awor den Prespuesto 2022 Gabinete Wever Croes a habria caminda pa un cantidad di medidada cu lo sigui afecta y hasta empeora e desgaste di poder di compra: 

• recorte 12.6% ta continua; ta sigui strangula miles di empleado y nan famia;
• medidanan den AZV cu continuacion di recorte den cuido y mas medida manera Eigen Bijdrage y cortamento serca dokternan, specialista, verpleegsters, botica y laboratorium;
• pa capricho y ego no a hedge y awor cu prijs internacional di fuel oil a subi drasticamente lo mester bai aumenta prijs di coriente drasticamente;
• dor di nenga di resolve e problema di SKOA e instituto aki ta bai haye forza di subi schoolgeld drasticamente afectando 85 di muchanan cu ta bai school na Aruba;
• tambe empresanan chiquito ta bai worde forza pa paga bek 49 miyon florin na loonsubsidie cu nan supuestamente lo a haya di mas; mas di 1000 negoshi chiquito ta bai haya nan mes confronta cu e cobransanan aki (aanmaning pa terugvordering di loonsubsidie dentro di 5 luna);

E líder di fraccion di AVP, mr. Mike Eman ta bisa cu ta bisto cu Gabinete Wever Croes no tin un noción di e situación precario caba di famianan na Aruba y di e fragilidad di empresanan cu ta lucha pa tene cabez riba awa. Mr. Eman ta bisa cu fraccion di AVP a presenta un Presupuesto Alterantiva pa cambia e rumbo di e maneho y cambia e prioridadnan pa pueblo y empresanan no sigui bira victima di mas medida di Gabinete Wever Croes, pero e coalición MEP/RAIZ a escohe pa continua riba e rumbo di aumenta e peso riba pueblo. Raad van Advies den su conseho riba e prespuesto ta mustra cu esaki ta e prespuesto cu gastonan mas halto cu nunca antes:

Comosifuera poco ta preparando un BTW tambe cu ta programa pa bai ranca un extra 160 miyon florin for di saco di pueblo y negoshinan na Aruba.  

Fraccion di AVP lo continua su lucha pa cambia e rumbo di e maneho desastroso aki, e líder di fraccion, mr. Mike Eman a segura prensa.