“Den tur bario cu mi yega ta mesun sentimientonan di dolor aki mi ta tende di pueblo, un dolor cu awe ta keda confirma pa cifranan di Banco Central y Centraal Bureau Statistieken”, asina e lider di AVP, mr. Mike Eman a expresa despues di un ronda di bishita den barionan.
E caida dramatico den poder di compra y e caida den consumo cu esaki ta causando den nos Pais ta e concecuencia directo di e efectonan di e medidanan cu gobierno a introduci. Esaki por lesa den e ultimo “Economic Outlook” di Banco Central dia 4 di December: “The negative effects on private consumption of the ..tax levy introduced in July 2018 and further amplified by the January 2019 increase in excises on alcohol appear to outweigh the positive effects of the lowering of the income and wage tax”. Esaki e lider di AVP, mr. Mike Eman a analysa for di e analysis economico mas recien di Banco Central.
Cu esaki Banco Central ta desenmascara tambe e enganjo cu Gabinete Wever Croes a purba bende e pueblo di Aruba den mercadeo di e supuesto reforma fiscal. E campanja cu a worde hiba tabata cu rebaha di impuestonan lo a cubri e pakete di medida. Awe Banco Central ta bisa enfaticamente, manera cu nos a splica na inicio, cu esaki no ta e caso. Si bo kita 200 florin for di un minimumloner na aumento di su gastonan y dune 25 florin di compensacion ta logico e a perde porlomenos 175 pa luna. Esey ta locual ta mira for di aumento di e pakete di bestaansminimum di Central Bureau Statistieken y awor ta worde bisa enfaticamente dor di Banco Central: “levy introduced in July 2018 and further amplified by the January 2019 increase in excises on alcohol appear to outweigh the positive effects of the lowering of the income and wage tax”.
E modelo di medida aki a hinca Aruba awor den un recession segun e ultimo cifranan di Banco Central caminda ta bisa cu economia a cai awor den cifranan negativo pa 2019: “The projection of weak consumption is reflected in the minor growth in both the BBO revenue and the labor market. Moreover, the Consumer Confidence Index, which decreased in the third quarter of 2019 after consecutive declines in the first and second quarters of the year, is indicative of relatively pessimistic consumer sentiment”. Banco Central ta papia di “weak consumption” como un motibo principal pa e recession cu a bati na porta di Aruba na 2019.
E recession aki ta creando un pobresa grave na Aruba y hustamente den porta di Pasco esaki ta worde senti cu hopi dolor den nos comunidad. Mientrastanto ta mira si cu esnan serca di gobernantenan ta hayando tur sorto di beneficio y previlegio, mientras pueblo ta sufri. Esaki ta algo hopi inhusto y mester worde para rapidamente, e lider di AVP, mr. Mike Eman ta conclui.
