Partido AVP a organisa evento di yenamento di documento di inkomstenbelasting y hopi hende a pasa na Cas di Partido. Door di e demanda di comunidad pa yenamento di documento di inkomstenbelasting, Partido AVP un biaha mas lo ta brindando nan servicio.

 

Partido AVP ta haci un invitacion na comunidad pa yega cerca nan cu e documento di inkomstenbelasting. Un biaha mas lo tin 4 sesion, unda lo tin diferente team cu lo duna asistencia na esunnan cu mester di dje.

 

E prome sesion lo ta diaranson 26 di September pa 6:00-9:00pm, e di dos sesion lo ta diabierna 28 di September y lo ta parti den 2 sesion, cual prome ta di 9:00am-12:00pm y 3:00-6:00pm. E ultimo sesion lo ta 3 di October pa 6:00-9:00 pm. Pa facilita e proceso pa hendenan no warda hopi, por yama Cas di Partido AVP na 583-0911 y traha un afspraak riba e dia di sesion preferi.

 

Parlamentario Candelaria ta enfatisa y ta recorda tur hende pa trece tur documento necesario – papel di SVb, papelnan di banco, rental- pa asina nan por yena e documento di inkomstenbelasting den un solo biaha y ta cla pa entrega. Partido AVP tin un team grandi cla pa sirbi comunidad di Aruba, pero pa cada sesion lo bay tin 6 mesa cu lo ta trahando continuamente.

 

E aña aki e yenamento di documento di inkomstenbelasting ta completamente digital y esey lo haci e procedura un tiki mas lihe. Entrante awe por yama Cas di Partido na 583-0911 pa un cita riba e fechanan di 26 y 28 di September y 3 di October y gustosamente nan ta cla pa yuda comunidad di Aruba. Tambe pa mas informacion por bay riba Facebook page di Robert Candelaria y/of Facebook page di AVP.