Sharon a gradua for di Colegio Arubano VWO pa después a sigui cu su estudio na Hulanda y a termina esaki cu éxito como[FE1]  drs. den “Bedrijfskunde voor de financiele sector” na Vrije Universiteit Amsterdam. E logro aki tabata un meta cu Sharon, desde di un edad jong, a pone pa su mes.

Después di su estudio Sharon a traha na Rabo Securities caminda e ela hana amplio experiencia den e sector di finanzas. Pero su gana pa duna un aporte back na su país, a pone cu na aña 2000 Sharon a dicidi pa regresa Aruba y a asumi e posición como Tesorero di Aruba na departamento di Financien. Den e posición aki e tabata responsable pa e maneho di liquidez di país Aruba. Aki ela hana hopi experencia y conocimiento pa cu e retonan financiero cu un país den ful desarrollo económico tabata enfrenta. Den e funcion aki tambe ela fungi come director suplente di e departamento di finanzas y a lidera varios biaha e proceso di rating di país Aruba, dor di e agencia nan di rating y IMF, cu bon resultado. 

Na 2004 Sharon a dicidi tuma un reto nobo den sector priva caminda ela asumi entre otro e encargo di Corporate Account Executive na un banco commercial. Después di esaki ela dicidi pa cuminsa riba su mes como consultant pa juda inversionista y desarrolladornan. E periodo aki a dune hopi experiencia den e reto nan cu hopi inversionista y desarrolladornan local y international ta confronta den e mercado local. E experiencianan aki, a stimula Sharon pa pensa y propone solución nan cu por haci e caminda pa e gruponan aki por establece nan mes mas fasil, transparente y liher.

Na ana 2009 su experticio a wordo solicita un biaha mas pa juda y contribui cu su ideanan pa traha den e Policy Document di e Minister di Economía. Den e proceso aki ela juda pa set up Aruba Investment Agency (Arina) cu tabata tin e tarea pa asisti y guia negoshinan, inversionistanan y desarollador nan pa establece na Aruba. E meta principal tabata pa contribui na e desarrollo económico di Aruba. Sharon a fungi como director di Arina pa varios ana.

En corto, drs. Sharon Erasmus van der Linden tin un trayectoria amplio di conocimiento y experencia ariba e tereno di finanzas, economía y inversión den sector publico y priva.

Pa e motivo nan aki Sharon a haye necesario pa uni su mes na e Team di AVP pa enfrenta e retonan cu Aruba tin su dilanti y asina recupera nos economía door di diversificación cu desaroyonan económico sostenible y unda tin oportunidad pa un y tur. 

 [FE1]oc