fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

Miembro di fraccion di AVP Mike de Meza a mustra durante conferencia di prensa di fraccion di AVP trata diferente aspecto entre otro e asunto di aumento di prijs di awa y coriente, e situacion di emision di gas cu ta sali di chimeneanan di WEB, e problema cu tin na APA, e situacion di refineria, di exploracion di gas y proyecto di LNG.

Pa loke ta e problema di huma cu ta Sali for di e planta di awa di WEB Aruba NV, el a mustra cu gobierno di AVP a drenta gobierno c’un  plan total di ‘energia 2020’  cu nan a bin ta trahando riba e proyecto pa introduci e LNG (Licuafied Natural Gas) pa operacion di WEB.

“Esey lastimamente nos por a compronde cu e Gobierno aki a para den cierto sentido e proyecto aki y tabata un proyecto cu ora nos tabata den Gobierno a sinta cu diferente experto internacional.

Nos a sinta cu Gobierno di Hulanda riba esaki, cu Minister di Economia y nos a haya luz berde pa traha hunto cu GasUnie riba un proyecto total pa introduccion di LNG gas na Aruba pasobra nan tin hopi experticio riba e tereno aki.

Te cu nan tabatin e interes pa participa den inversion cu mester pa e proyecto aki, cu lo a trece su beneficionan cun’e. Esaki no solamente pa nan experticio cu ta conoci na Europa y rond Mundo ya cu nan ta un compania grandi y serio na Hulanda cu tin tubonan ta core for di Hulanda te na Rusia y nan ta reconoci internacionalmente.

Nan tabata interesa pa traha hunto cu Gobierno di Aruba y Utilities y WEB, inverti si ta necesario, pues pa ta un partner den e proyecto. E proyecto a wordo ehecuta, tur e plannan a wordo traha, visibility studies y business plan ta traha.

E parti ingenieria y analisis tambe a wordo haci y lastimamente, despues di a entrega e pakete total na Gobierno nobo na november, nos por a compronde for di Hulanda cu na diferente ocasion e compania aki di GasUnie a purba di sinta cu Minister di Energia kende ta Prome Minister, pero ningun momento a  logra di reuni cu e mandatario.

Nan a topa despues na Hulanda pero nan a wordo bisa pa Minister Presidente pa bin Aruba pa e Minister sinta cu nan y nan a bini Aruba dos biaha pero ningun momento e Minister tabatin tempo, ni por a sinta cu nan.

Di otro banda nos por a compronde cu e Gobierno aki ya caba tin discusionnan pa bini cu un otro compania, cu aparentemente lo ta den nan circulo, pa haci e proyecto di LNG gas na Aruba.

Nos ta sumamente interesa pa mira kico ta e plan cu ta bay tuma luga awo. Lo mester cuminsa di inicio atrobe, pues no ta bay soluciona nada pa loke ta WEB su emision.

LGN ta bon pasobra e tin su beneficionan operacional y tecnico, y financieramente. E tin su beneficionan sigur ora ta papia di emision di productonan dañino pa Medio Ambiente.

Nos sa cu pasobra e ta un proyecto cu Gobierno anterior a traha riba dje y tabata full cla, nan no kier ehecuta esaki. E ta lastima pasobra den cierto casonan, ora cu proyectonan ta bon ,mester tin continuacion.

Lastimamente esey no ta e caso pa e Gobierno aki pasobra ora cu nan a drenta tabatin persecucion politiconan, plannan pa medida, tur sorto di investigacion cu nan kier haci. Te dia di awe, casi un aña a transcuri, bo no ta mira un maneho cla riba ningun ministerio di e Gobierno aki y consecuencia di esaki, pueblo ta wordo confronta diariamente cune,” Parlamentario Mike de Meza a señala.

 

Leave a Reply

Your email address will not be published. Required fields are marked *