fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 No parse cu falta 5 luna pa eleccion

JIM_5896Diabierna partido AVP a inicia su campaña 2013 oficialmente y for di promer dia caba por a nota e sosten masal di pueblo di Aruba pa e bon trabou haci durante casi 4 aña di Gabinete Mike Eman.

Candidatonan riba e lista berde a sali runbo pa apertura di Green Square for di e diferente Casnan di Partido rond Aruba cu caravana di autonan y sostenedornan di AVP y por bisa cu Aruba tabata y ta berde.

Otmar Oduber a reuni cu cientos di sostenedornan na Cas di Partido Paradera caminda simaptizantenan di AVP tabata yega yen entusiasmo pa busca t-shirt y stickernan cu e logo nobo di partido. Mientras cu trafico tabata completamente stagna, Otmar hunto cu un grupo a probecha pa cuminda tur esnan pasando ey dilanti kendenan tabata mustra hopi contento y tabata pidi pa plak sticker riba nan auto pa mustra nan sosten na e partido den Gobierno.

Pa banda di 6:30 e candidato y actual minister di Turismo, Transporte y Labor a sali cu un caravana enorme di auto rumbo pa e Skina Berde.

Riba caminda por a mira un cantidad di hende cu tabata sali for di nan cas pa cuminda e candidato, mientras cu otronan tabata saca nan bandera di AVP pa mustra cu nan tambe ta sostene e bon trabou y e compromiso di Otmar Oduber.

Na yegada na Green Square, cual tabata completamente yen, cu miles di persona sosteniendo AVP, un multitud di hende a subi caminda pa cuminda Otmar, un indicacion fuerte di e aprecio y reconocimento cu nos pueblo tin pa e candidato cu a demostra cu ta traha y ta cumpli y cu semper a demostra e gran compromiso cu e tin pa nos isla y nos hendenan.

E momento ey Otmar a dirigi algun palabra na publico y por a nota e entusiasmo grandi den su stem dor di mira e miles di persona presente y e aprecio cu nan tabata mustrando na su persona.

El a bisa cu e entusiasmo di nos pueblo ta asina grandi cu no parse cu falta 5 luna pa eleccion sino 5 dia, e no tabata parse inicio di campaña sino mas bien clausura di campaña. El a gradici tur esnan presente y a indica cu su compromiso cu nos isla ta sigui, cu ainda falta mas.

Durante discurso di Promer Minister y lider di partido AVP, Mike Eman, el a reconoce e bon trabou cu Otmar Oduber a bin ta haciendo pa loke ta trata su carteranan, poniendo enfasis special riba e parti di turismo y tur e logronan obteni dor di su persona.

Otmar Oduber kier a gradici henter pueblo di Aruba pa e sosten duna na partido AVP y na su persona en particular y a garantiza tur nos hendenan cu su compromiso cu nos isla ta continua!

JIM_5737

Leave a Reply

Your email address will not be published. Required fields are marked *