Bochornoso momento di Netflix di Parlamentario Sue-ann Ras a pone luz negativo riba e delegacion den su totalidad! Delegacion di Aruba a biaha pa Hulanda p’asina atende varios reunion di IPKO. Un siman tras di lomba cu dianan largo di sumo importancia pa pais Aruba, caminda cu a yega na diferente acuerdo pa loke ta e SDG ( Sustainable Development Goals ) mientras a cuminsa traha riba e fase 2 caminda lo sondea con pa brinda sosten den Reino y pa duna cumplimento na e acuerdonan di e SDG.

Parlamentario Marlon Sneek ta amplia un poco riba locual a tuma luga diadomingo y comienso di e siman aki unda varios reunion a tuma luga cu representante di partidonan na Hulanda pa mira con pa yega na acuerdo y logra entrega un amienda cu ta carga e sosten di Parlamento di Hulanda, den e caso aki di Tweede Kamer, poniendo e ingrediente necesario pa garantisa cu lo tin un geschillenregeling y cu realmente lo bay atende cu e diferencianan di opinion cu lo tin den futuro.

Ta e meta di logra cu e reunionnan aki e sosten, caminda esfuerso grandi ta keda haci den cada reunion cu tuma luga. 

Lider di fraccion di partido AVP Marlon Sneek ta comenta tambe riba e sucedido cu a tuma luga durante reunion den Eerste Kamer na momento cu un parlamentario di Aruba a keda sorpendi ta wak Netflix, y tambe a tuma nota di articulo di e lider di delegacion ofreciendo disculpa na e delegacion. “Esaki NO ta corecto! Ningun momento a ricibi un disculpa for di Parlamentario Ras di locual a tuma luga cu sigur ta di lamenta mirando cu un hecho asina a pone un luz negativo riba e delegacion den su totalidad creando un impresion robes.”

Fraccion di AVP ta aclarea y ta distancia nan mes di e comportacion di e Parlamentario en cuestion pero mas aun for di e articulo cu a keda publica, mientras ningun momento un disculpa a keda entrega. No a ni aserca e delegacion pa cu e contenido di articulo cu a keda publica.