Na Cas di Partido a inaugura 'E Patio' - AVP

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

April 23, 2018 AVP 0

Durante cinco weekend sigui, siguidornan di prome ora di e partido berde tabata traha duro pa e patio dilanti di CdP keda cla pa esnan cu ta bin eynan den dia por sinta den sombra y den un ambientre agradabel.

E bunita trabou a wordo haci bou guia di e creativo Benny Sevinger, kende a traha sam sam cu e otronan. Mescos cu lider di partido Mike Eman kende tambe a lora manga di caminsa y a traha. E ambiente di union tabatey durante henter e periodo ey y diadomingo dia 22 di april a inaugura ‘E Patio’ unda esnan cu a bin por a saborea di un suculento BBQ. Masha hopi hende a bin CdP pa mira e bunita patio, pa topa cu otro, pa come e dushi BBQ y pa balia riba e ritmo cayente di e banda di Robert Maduro.

Hopi a vocifera nan precocupacion pa loke ta pasando na Aruba unda un gobierno gelapi ta persigui hende di tur forma. Esaki tabata e topico di casi tur combersacion. Partido AVP tey semper pa scucha su hendenan y duna un man unda por. ‘E Patio’ a duna CdP un dinamismo nobo. Padilanti partido ta sigui!!

Duna nos Luz Berde

Tuma contacto cu mi

Na Cas di Partido a inaugura ‘E Patio’

Lista di candidatonan AVP

Aruba awor

Noticia

Eventonan