Den un periodo hopi ocupa cu campanja Minister Rob Jetten, Lijstrekker di Partido D66, a traha tempo pa ricibi de e delegacion di AVP consistiendo di lider di fraccion, mr. Mike Eman y consehero Wendrick Cicilia.
Minister Jetten a splica cu e lidernan anterior di e partido D66, manera Alexander Pechtold, tabata tin lasonan hopi estrecho cu lider di partido AVP, Mike Eman y pesey e ta contento cu den su calidad di lider actualmente tambe por sigui cu e amistad aki.
Na ocasión di e encuentro aki mr. Mike Eman a comparti cu Minister Jetten dos nota regardando 1. E motivacion pa yega na un Sociaal Cultureel Planbureau (SCP) pa Aruba y 2. Un nota exstenso cu ta discribi un solucion alternativa pa debe di Aruba cu Hulanda: creacion di un Fondo di Inversion pa Aruba.
MINISTER JETTEN TA MIRA
IMPORTANCIA DI SCP
E promer reaccion di Jetten, riba e proposicion di fraccion di AVP pa institui un Sociaal Economisch Cultureel Planbureau pa Aruba, ta cu na Hulanda tambe nan ta sinti e nececidad pa haci e situacion socio economico di pueblo mas cla. Un cos ta e cifranan finaciero, Jetten a afirma, y otro ta e realidad socio economico, e bredere welvaart, di e pueblo. E ta convenci cu un SCP por ta util pa Aruba pa haci e nececidadnan di comunidad mas visibel.
MINISTER JETTEN TA PRIMINTI ATENCION PA
E ALTERNATIVA DI COVERTI DEBE DEN FONDO
Pa locual ta trata e nota di AVP pa converti e debe di Aruba cu Hulanda den un Fondo di Inversion Minister Jetten a priminti cu lo duna atencion na e alternativa aki. E ta algo cu lo mester worde delibera den seno di gobierno, pa cual e a priminti cu lo presenta esaki tambe intenamente. Sin haci un compromiso, Mikister Jetten a bisa si cu e ta mira cu e islanan tin mester di mas inversion y acceso na kapital pa haci inversion. Den e contexto aki tambe Eman a envatisa cu no ta cu Aruba lo no demonstra e disciplina presepuestario pa resera e pagonan pa e debe, pero lo kier logra cu e pagonan aki lo bai pa un Fondo di inversion pa Aruba, envez di bai pa Hulanda. E suma ta 900 miyon y esey lo por ta un ajudo grandi pa Aruba por haci inversionan necesario cu ta caiendo hopi atras, Eman a splica. E delegacion di AVP a keda hopi contento cu e recepcion caluroso y hopi comprensivo pa e ideanan cu e notanan di AVP a presenta Minister Jetten (D66) cune.
