Den un entrevista cu ex Minister di Husticia drs. Mr Arthur Dowers e la duna varios observacion skerpi riba e situacion y manera di atende cu problematica den husticia di minister actual cu no tin atencion pa su cargo. Cuerpo Policial cu preocupacion grandi y grave cu no ta haya atencion y entre tanto mas y mas polis vociferando esaki den reunionnan tumando luga.

Minister Andin Bikker a yega y inflitra su mes Politicamente den e Cuerpo creando problema pa e futuro gobernacion na momento cu a haci nombracionan politico, ta locual cu parlamentario Arthur Dowers a bisa. Ta algo cu bo NO ta haci, absolutamente no ta haci esey ni den bo Cuerpo Policial ni den Husticia!

Tin cu evita pa Husticia bira un instrumento di Politiconan!

Ta mira mas y mas cu husticia a bira un instrumento di politiconan y esaki no por. Cu prioridadnan completamente robez pa “seal un deal” pa cientos di miles di florin pa luna pa hendenan cu supuestamente no tin permiso pa bula rond den helicopter. Un helicopter cu tur bes ta yega laat na momento cu tin algo, no ta stroba niun crimen di tuma luga pero ta prioridad pa Bikker lagando e interes di e trahado/cuerpo y di husticia un banda paso e no tin nan na pecho.

Parlamentario Arthur Dowers ta di opinion cu e Minister di Husticia actual tin cu saca su conclucion y mira cu ta e ta e problema den Husticia. Gobierno di AVP A bin haya un Cuerpo Policial na filingrana di tempo di MEP, a pone tur cos na ordo bek y trek tur cos recht, drecha rechtspositie cu a costa hopi placa despues di e chaos cu MEP a crea y a laga tur cos drecha cu por sigui traha y bay dilanti, ta bin haya un haya un Minister cu ta unico cos cu e por bisa cu e ta sinta riba e stoel y cu e tin e titulo pero no a bin pa traha. E no a bin pa sinta!

Pa locual ta trata e trabou como Minister te cu awo no tin nada cu por refleha locual cu e la propaganda cu lo bin pa haci. Mirando tur locual cu for di e posicion di parlamentario e meneer aki tabata vocifera di bin haci, tabata mustra cu despues di un aña nan lo a manda buske di tur banda di mundo pa bay traha pa nan, paso e lo ta e homber di husticia, cu lo a hiba crimen te na cero. Pero awe realidad ta otro y e ta “missing in action” y mas tristo niun hende ta tume na serio tampoco. E la yega na un punto cu e tin cu saca su conclucion.