Pero enbes di fortifica ayudo psychosocial a manda salud mental bou di ministerio di Asuntonan Social enbes di lag’e bou di Salubridad. Kier corta den Respaldo dor di cual no ta posibel pa e facilidad aki keda ofrese e servicio manera cu a ser tresi dilanti anteriormente. Parlamento a sostene pa por pone un suma disponibel pa triage pa baha e wachtlijst cu tin y awor ta tende cu lo bai sera e Verblijf di pashentnan psychiatrico na ex-PAAZ entrante 1 di november. Lo pone 20 pashen riba caya. Esaki pa motibo financiero. Por a tuma nota di entrevista cu famia di un pashent cu a expresa su preocupacion ora cu e pashent aki bin cas cu no tin e tratamento adecuado y specialista p.e cu e ta trece retonan cun’e y hasta por trece peliger, dor cu cierto pashent mester di supervision specialista. Ta asina cu Gobierno di Aruba no a cumpli cu Fundacion Respaldo pa cu e AWG 900.000 y consecuentemente no por sigui opera e afdeling Verblijf.
Wyatt-Ras ta menciona cu loke ta spera nos tambe ta e aumento di BBO cu 1.5%.
Gobierno a ganja cu lo introduci BTW pa despues e minister di finanzas Maduro skonde pa Wever-Croes bin anuncia cu BTW no ta bai dor awor. Pero si den futuro.
A core anuncia cu pensioen lo subi cu 45 florin esaki no ta yega pa net nada. Paso pa paga medicina mes e suma aki no ta yega corda pa paga alabes subida di prijs di awa y coriente.
Hasta AHATA a trece su punto padilanti den “Antilliaans Dagblad” y a yama BBO un “verplichte geldinzamelingsactie”. Gobierno ta pone pueblo entrega mas placa pero no ta corta su propio gastonan y tin malmaneho. E compensacion pa BBO ta mucho limita. Aumento di BBO lo hisa gasto pa comercio cu lo cobra nos ciudadanonan pa esaki. AHATA a trece padilanti cu el a ofrese gobierno su experticio pa yuda pero cu gobierno no kier. Gobierno ta intransparente y no ta inclusivo segun AHATA.
Por ultimo Wyatt-Ras ta remarca cu fiesta lo bai sigui pa friends and family. No lo tin aanwijzing. Hulanda a laba man y gobierno por sigui cu malpracticanan cu nepotismo.Ta keda na pueblo awo pa dicidi kico ta haci.
Cu no a bin aanwijzing ta cu segun CAFT cu sra. Van Huffelen no a durf. Wyatt-Ras ta spera mas di parlamentarionan cu ta sostene gobierno pa para mas na banda di pueblo pero no ta mira esaki. Pueblo su cartera ta bashi mientras gobierno ta keda purba saca placa pa cuido medico, medicina, compras y otro medidanan.
