Pueblo a habri porta y a invit’e den su cas

Aruba a conoce un celebracion grandi y nunca bisto. Ta un hende so por a logra esey, lider di partido AVP Mike Eman. Aruba completo for di San Nicolas te Noord a celebra hunto cu Mike Eman su cumpleanos  dia 1 di september.

Den loke a keda yama ‘Tur Cas ta mi Cas’ Birthday Tour Prome Minister di Aruba y lider di AVP a bishita mas di10 cas na unda famianan  a yame bon bini den nan cas celebra su fecha natal. Asina el a pasa na cas di famia John na San Nicolas,  famia Dorothal na Cura Cabay, famia Abdul na Savaneta, famia Webb y Croes na Pos Chikito, famia Kock y Wever na Rooi Bosal, famia Croes, Kelly y Boekhoudt na Ayo, famia Eman na Piedra Plat, famia Tromp y Giel na Noord, famia Agumbero na Cumana y famia Palm na Playa Pabou.

Famianan a celebra e hacimento di aña di Mike Eman cu baile, musica, pasaboca y bolo. Den tur manera idioma, e lider di partido AVP a haya pabien y serenatanan di su pueblo. Mike Eman a keda sumamente emociona pa tur e muestranan di amor aki  y e alegria a domina henter e dia. El a busca pa comparti tur e gestonan y emocionnan hunto cu su pueblo stima.

Compaña pa un grupo grandi di simpatizante di e partido berde, a recore tur e districtonan di e isla y hendenan tabata sali di nan cas cu t-shirt bisti y bandera den man pa saluda y felicita e politico mas stima na Aruba. E celebracion grandioso aki a culmina na Cas di Partido na Playa hunto cu tur candidato y e masa di hende cu a compañ’e henter dia.

Lider di Partido di Pueblo Arubano AVP y partido ta gradici pueblo di Aruba pa e celebracion grandi cu e isla a percura p’e. Tur esaki ta djis engrandece mas ainda e amor y dedicacion cu Mike Eman tin pa hiba e isla di Aruba dilanti.