Reina Wilhelmina a pone fundeshi pa un Reino mas husto durante un discurso radial durante segunda guera mundial, riba dia 6 di december 1942. La Reina a expresa cu ningun sistema politico ta sostenible si e no ta basa riba e consenso y apoyo di e gran mayoría di e población. Di e manera aki La Reina a pone e fundeshi pa awe nos tin un Reino cu ta reconoce e autonomia di Aruba, Curaçao y Sint Maarten. Desde e tempo ey nos Reino a bin ta cambia. Desde 2010 nos ta conoce Cft den Caribe y despues di e pandemia di Covid e paisnan den Caribe meste accepta COHO y Landspakket. E pregunta ta si e cambionan aki ta un cambio cu ta respeta e punto di salida di La Reina of no.

Durante un charla na Wilhelmina Park diahuebs dia 7 di april 2022 ex minister president di Antiyas Hulandes, mr. Suzy Camelia-Römer, lo elabora riba e relacionnan den Reino y e futuro di e relacionnan aki.

E charla aki ta forma parti di e curso di Formacion Politico. Formacion ta esencial den e epoca di tanto reto. Di e manera aki Fundacion Digna Laclé-Herrera kier sigui brinda un plataforma na e mensahe cu hunto nos mester hisa e nivel di politica na Aruba. P’esey e lema di e curso di formacion politico, expresa na Hulandes, ta keda: “Ambieer niet een functie, maar de kennis om die functie te kunnen vervullen”.

Tur cu ta interesa pa scucha e charla ta keda cordialmente invita. Participacion ta completamente gratis.

Lugar: Wilhelminapark 

Dia: 7 april 2022

Ora: 19.30 pm