Manera ta custumber partido AVP ta celebra e aña aki unbes mas nos Dia Nacional den gran forma. Banda di e varios actividadnan cu partido ta organisa e dia aki, e biaha aki hobenan di AVP ta bin cu un evento innovativo pa duna mas realce na e dia special aki y tambe pa encurasha e hobennan pa para keto na e grandioso fecha aki y e historia su tras. Riba18 di maart Aruba henter ta celebra cu despues di hopi lucha nos a haya nos Status Aparte.

E aña aki e grupo di hoben di partido AVP di HAC ta organisa un tremendo y alentador ‘4×4 Adventure’. E actividad offroad aki ta sali 9’or di mainta for di Parke Arikok y via un ruta yen di reto ta caba naCas di Partido na Playa. Eynan ta bay tin diferente otro oportunidad pa gana varios premio atractivo. Partido di Pueblo Arubano AVP y HAC ta invita Aruba henter pa bin pasa un dushi dia di famia cu e partido politico cu a para na cuna di nos Status Aparte y celebra cu nos, nos Dia Nacional y ta invita amantenan di 4×4 pa join e adventure den naturalesa di Aruba. Semper cu atencion y cuido di nos naturalesa.