Aruba mester haya un otro minister di enseñansa segun lider di fraccion di AVP, sr Marlon Sneek ya cu Aruba tin problema den enseñansa for di creche te na universidad.
Entre otro sr Sneek a mustra cu por ehempel e situacion di crechenan, ta for di algun aña caba a sinta cu manehadonan di crechenan, Parlamento a sinta cu e hendenan aki riba e ley aki, for di cual a introduci varios amienda pa cosnan cu nan tabata di opinion tabata haci falta den e ley aki.
A pidi un periodo di transicion, pa garantisa cu den cada un di e crechenan aki, caminda no simplemente ta djis wak pa mucha pero pa garantisa cu tin un desaroyo tambe na momento cu e mucha ta na e creche y asina garantisa cu tin standardnan cu tur mayor por sa na unda nan a hiba nan yiu, pa e yiu no ta unda cu ta, pa mayornan por bay nan trabou cu tur trankilidad cu nan yiu ta wordo cuida manera mester ta.
“Esaki ta mesun cos cu e ley cu AVP a introduci pa cuido di nos hendenan grandi, awe por mira cu e minister cu tin e maneho aki bou di su encarga, si ta implementando esaki y poco poco cada un di e casnan di cuido aki tin cu bay cumpli cu exigencianan cu ta stipula den e ley.
Pero awor di repente ‘from nowhere’ minister ta lanta bisa cu e ley di creche no ta sirbi y ta pone esaki un banda pero sin presenta un alternativa concreto pa e ley aki.
Pero tur caminda, Tra’i merdia, DPS, crechenan y tur caminda cu e minister aki pone su man, ta problema so e ta crea y ta reina caos tur caminda, caminda tur dia e preocupacion y inseguridad entre maestronan, ta sigui crece.
Recientemte tabata turno di Universidad di Aruba caminda e “board of trusty” a emiti un carta pa minister Lampe cu ta bisa hopi cos pero aki e minister ta sigui pretende cu tur cos ta “koek en ei”.
E carta ta bisa lo siguiente literalmente:
“It is with e heavy heart that I’m writing this e-mail to you, to inform you, that I will be stepping down as Presidente of the Board of Trustees and Chairman of the daily board at the end of my current appointment, period which will expire on May 31 of this academic year.
As yio may know, the current legislation of the Landsverordening UA who govern our education instalation at UA, provide that the existing members of the board of trustees, can be reappointed for another four years term.
I have recently informed the board of trustees and the daily board, that under the current circumstances, I will no longer be available for nomination to renew the current appointment.”
Pues e carta ta bisa tur cos, esta cu e Presidente di e hunta di directiva di universidad, no ta interesa pa wordo re-eligi pa un periodo nobo bou di e circunstancianan cu a existi na e momentonan aki.
E director den su carta a sigui mustra lo siguiente:
“I consider it as important and transparent to inform you that the remaining board members, have also submitted their respective letter of resignation.”
Pues na mes momento a informa e minister cu e otro miembronan tambe a entrega nan carta di retiro, pues si e minister ta sigui pretende cu tur cos ta koek en ei, ta con bin tur hende ta baha bay?
Con por ta c’un hende kende pa cuater aña a dirigi nos universidad, ta bisa bo cu bou di e circumstancianan actual, e lo no sigui den su posicion mientras cu tur esunnan cu tabata compaña su persona den e board, tambe a entrega nan retiro y a baha bay en bloc.
E accionnan aki mester por bisa minister Lampe algo tog pero ta e minister aki so kier tabata solo c’un dede y ta increibel cu cuanto cos ta pasando den enseñansa y tur cos segun minister Lampe, ta culpa di otronan y no di su persona.
Nos ta lamena e desaroyonan aki y nos ta spera cu esunnan cu ta sostene gobierno, tanto coleganan minister como tambe esunnan den parlamento, di kende algun di nan ta maestronan di scol, mi ta spera cu nan bin bij y bisa: “ a yega e momento pa nos tin un otro minister di enseñansa, si no ta cuestion di get rid di e sosten den parlamento.
Un sosten cu no ta ni necesario ya cu gobierno keda cu 11 asiento, nan por sigui dilanti pero ta increibel loke ta pasando den nos enseñansa y ta bon pa esunnan den enseñansa sa cu ta despues di 10 aña, ta bay mira e desaster cu e minister aki ta cometiendo.
Nos cu tin mas conocemento di e materia ta mira cu sigui asina, ta un desaster nos ta bay tin pa e pais aki pa loke ta nos educacion, pa loke ta nos hobennan.
No por mira ningun programa cu ta garantisa cu e hoben ta bay haya mas oportunidad den den enseñansa, al contrario ta un guera tin tur dia den enseñansa caminda nos por a mira kico a pasa avond MAVO, middag MAVO y ora papia cu e minister e ta bisa cu no nada a pasa.
Pero e proceso manera middag MAVO a cuminsa, cu e lo no sigui, cu tur hende mester a bay avond MAVO, y cu prome cu oktober di 2018 mester tabatin e prome examennan pero na luna di september tabatin studiantenan cu no tabata ni inscribi ainda.
Minister splica ta con e studiantenan aki por basy studia su materia pa oktober caba e traha su prome SO e tempo ey.
Pues un desaster di marca mayor dor di un minister cu no sa kico e ta haciendo pa loke ta enseñansa, kende tur ora ta bisa cu e tin masha hopi diploma, kisas pa duna les pero ora di maneha, ta otro abilidad e mester tin y por mira cu e persona aki no tin abilidad pa haci esaki,” lider di fraccion di AVP, Marlon Sneek a declara.
