aDen fin di siman cu a pasa a celebra e dia nacional di Portugal caminda cu tawatin dos celebracion na Aruba caminda cu diadomingo miembro di fraccion di AVP tawata presente pa asina felicita, gradici y celebra huntu cu e comunidad Portugues na Aruba. E colonia Portugues ta grandi na Aruba y ta conosi cu nan a contribui semper na e economia di Aruba cu entre otro negoshinan exitoso.

Diamars mainta tawata tin un ceremonia protocolar pa asina celebra e dia nacional di Filipinas. Tanto e comunidad Portugues como e comunidad Filipino semper ta parti di paisnan amigo di Aruba caminda cu e calor humano, personanan ehemplar y trahador ta sobresali. Miembronan di Fraccion di AVP tawata presente pa asina saluda, gradici y celebra tambe huntu cu e comunidad grandi Filipino na Aruba. Locual ta bunita pa remarka di e comunidad di Filipino na Aruba y cu tambe a ricibi reconocimento diamars mainta ta cu semper nan a percura pa contribui cu Aruba cu entre otro profesionalnan manera ta den e caso di enfermeronan cu dedicasion pa nan trabou pa Aruba.

Ambos pais ta mantene nan cultura, arte culinario y hobenan den bon caminda dor di involucra nan den musica y baile pero na mes momento tambe purba di integra den nos pais. Un biaha mas masha pabien na e comunidad Portugues y tambe e comunidad Filipino residencia na Aruba. Masha danki pa boso contribucion valioso di cada un di boso na e progreso y bienestar di Aruba.