Riba su red social Ex Promer Minister Mike Eman a bin ta comparti cu amigonan, sostenedornan y henter comunidad e desaroyo di tratamento di su esposa Doina Eman y nan gratitud pa tur e sosten y oracion cu nan ta haya di comunidad den e proceso dificil aki. Mike y Doina ta expresa awe cu hopi speranza y fe cu un siguiente parti importante di e tratamento di Doina a keda completa y awor ta den espera pa mira kico dokternan lo prescribe como e siguiente paso. Probablemente lo nan worde referi pa bai den exterior pa un examinacion (test) adicicional cu no por worde haci na Aruba. Mustrando nan espirito positivo Eman ta bisa riba su red social: “ Padilanti nos ta bai cu poder di Dios. Esey ta nos oracion na nos Creador”.

Riba su red social Eman a comparti literalmente e siguiente informacion rond di desaroyo di tratamento di Ex Primera Dama Doina Eman:

Friends, amigonan, Un Diadomingo Bendiciona pa Boso tur. Padilanti nos ta bai cu poder di Dios. Esey ta nos oracion na nos Creador. Cu e fe aki y un mente positivo y sosten di Boso tur Doina a termina su tratamento di chemo. E siman aki nos ta mira oncologo Dr. Ladenius pa determina e siguiente pasonan. Nos a compronde cu mester haci algun examinacion adicional den exterior. Nos tin hopi fe cu ora tur cos pasa nos por haya bon noticia pa Doina por tin su salud bek y nos hunto e tranguilidad pa por sigui sirbi nos Pais y nos Pueblo. Danki pa tur Boso sosten y oracion coninuo. Un abrazo pa Boso tur [Mike y Doina]