Den e reunion publico encuanto presupuesto 2018 diabierna a trata e ministerio di Ensenjanza, Infrastructura y Sector Primario.
Por lo general tanto miembronan di Parlamento como ministernan a dirigi nan mes na ex-gobernantenan como sifuera nan ta gobierno linda.
Mervin Wyatt-Ras a haci diferente pregunta, en especial riba tereno di enseñanza. Wyatt-Ras ta considera ensenjanza como un vehiculo importante pa bai dilanti den bida. Ensenjanza ta haci posibel desaroyo personal, intellectual, psychologico, social y economico. Maestronan ta importante den bida di un mucha. Nan por haci hopi diferencia den bida di un mucha. Mayornan tambe ta di importancia pa asina loke logra na skol ta ser transmiti y tin continuacion na cas.Tin cu traha junto.
Den e mundo moderno aki nos muchanan ta hopi riba tablet y cellular. Na skol ta importante pa stimula esaki y ta necesario introduco medionan digital den ensenjanza. DI e forma aki tambe preparando ariba un e-commerce.
Wyatt-Ras a haci pregunta encuanto Scol multilengual, interne zorgstructuren manera MDC. El a puntra unda e diferente profesionalnan a wordo coloca. Tambe a puntra tocante e aansluiting di hobennan riba beroepen onderwijs. Si tin medionan pa e leerwerktraject y amplacion di oferta na trajectonan di sinja, obligacion pa cualificacion envez di obligacion di ensenjanza,. Wyatt-Ras a trece padilanti cu tin cu prepara nos hobennan pa haya trabou. Aki e ta referi na esnan cu ta studia enfermeria cu mester prepara nan di tal forma cu nan por traha na hospital of traha den nos centronan di grandinan.
E parlamentario a puntra con ta bayendo cu e projecto di “niet zittenblijvers” den promer y di dos klas di skolnan publico. Ta puntra si e projectonan lo sigui. Kico lo para di klassenassistenten en comparacion cu onderwijsassistenen y si lo cuminsa cu un estudio di onderwijsassistent. A puntra alavez encuanto integracion di IPA den Universidad di Aruba y ki congresonan lo ser organisa den 2018. Tambe e parlamentario a puntra e minister di ensenjanza si lo coopera cu minister di Salud pa loke ta trata e comision cu lo lanta pa atende cu Cannabis. Otro pregunta cu a ser haci ta pa loke ta trata e Academy of Fine Arts lo ser integra den Ensenanza Avanza of un otro entidad.Tambe a puntra con ta para cu plannan van de Green faculty? Ademas tambe a puntra encuanto situacion di naschoolse opvang Nos Atardi y Traimerdia pa hobennan. Tin medionan financiero pa ampliacion di e projecto? Ademas si tin medionan financiero pa Traimerdia? Wyatt-Ras a puntra ki dia skolnan lo haya airco den klas.Tambe ki dia tur skol lo haya computer den klas?
