Parlamentario drs. Mervin Wyatt-Ras durante su discurso den Parlamento a trece padilanti cu e ley cu ta reglamenta restriccion di productonan di tabaco ta origina desde 30 di november 2015 di colega Sneek di fraccion di AVP. Prome cu esey difunta Mary Wever-Lacle di AVP ya caba a trece un concepto padilanti den Parlamento. E ley presenta dor di colega Sneek a bin na vigor dia 31 di augustus 2016. Sinembargo e ley aki no a ser implementa den 4 anja. Dia 3 di december a bin un otro concepto cu cambionan dor di gobierno actual.
Wyatt-Ras ta senjala cu ta continua cu loke ya tin. El a trece padilanti cu tabaco tin consecuencia negativo pa salud y ta trece adiccion cun’e. Segun e memoria di splicasion di e ley e efectonan negativo riba salud ta trece gasto grandi cun’e riba presupuesto. Tambe ta hisa e mortalidad di nos comunidad. Cancer di long ta e motibo nr. 8 den top di10 di motibonan di mortalidad na Aruba. Tambe humamento ta hisa e risico pa bira obeso y haya diabetis. Pa anja un promedio di 41.8 hende ta fayece dor di diabetis na Aruba. Diabetis ta e motibo no. 4 di mortalidad pa e periodo 2013-2017. Ta necesario tuma accion y proteha no solamente esun cu ta huma sino tambe esun cu ta den espacio unda ta huma.
Wyatt-Ras a trece padilanti cu na Hulanda kier yega na un “rookvrije generatie” den anja 2040. Den e acuerdo nacional di prevencion Hulandes ta describi diferente medida y palabracionnan pa logra un generacion liber di huma na 2040.
Wyatt-Ras a puntra si nos conoce un plan semehante na Aruba y si por otorga nos dicho plan?
Dia 22 juni den un “bestuurlijk overleg” pa loke ta trata cooperacion riba tereno di salud den Reino a haci palabracion encuanto cuido preventivo consistiendo di 1) bida saludable y movecion 2) foritifica prome linja y 3) “voedselveiligheid” y seguridad. Wyatt-Ras a trece padilanti cu durante Health Care Conference na 2014 na Aruba a palabra cu lo coopera structural y a firma un acuerdo di cooperacion cu e ministers mester sigui cun’e. Esaki ta un di e logronan di IPKO cu si a duna su frutanan esta cooperacion dor di a firma tres acuerdo. Wyatt-Ras tabata kwartiermaker.
E.o. Paisnan lo mester traha hunto na acuerdo y prevencion y di deporte pa e parti Caribeño Hulandes dirigi riba humamento, obesidad y maluso di alcohol p.e. de campagnanan di informacion y concientisacion. E maneho ta dirigi ribva desanima uzo di tabaco.
Especialmente rond experencia cu COVID y su consecuencianan WHO ta recomenda stop pa di huma. Prohibicion ta ser considera importante pa nos hubentud. Comunidad tin cu proteha nos hubentud pa e consecuencianan negativo di nicotina y trending material di huma manera vaping y waterpijp, hookah. Den otro paisnan esakinan ta formanan hopi usa dor di hobennan.
Na Aruba nos no tin cifra di esaki. Loke tin ta e survey di 2012 den cual por a constata cu 6% di hobennan entre 12 y 9 anja ta huma y cu casi 37.8 % a yega di huma un biaha den nan bida. Di e hobennan 6% a yega di huma nan prome sigaria prome cu nan 10 anja. Wyatt-Ras ta considera necesario y importante di sondea pa haya cifras di e situacion di awor.
Den e ley ta stipula cu lo mester prohibi tabaco, alcohol (tin un ley) y tur sorto di substancia illegal na tur evento cu ta regarda mucha y hoben menor di edad manera e.o. na deporte y conciertonan di mucha.
Lo prohibi mercadeo di cualkier forma di productonan di alcohol, tabaco of otro substancia illegal na tur evento cu ta regarda mucha y hobennan menor di edad. Pregunta di Wyatt-Ras ta si lo prohibi humamento na skol? Tambe dor di maestronan?
Pa loke ta trata handhaving, e pregunta ta con o efectua control especialmente awor cu ta amplia e edad di proteccion di e hoben. Si un hoben no por huma sigaria den publico tin chens grandi cu e lo bai huma skondi? Wyatt-Ras ta preocupa over di e punto aki di huma skondi of kizas bai over den huma algo otro.
Pregunta ta alabes cu cual stakeholders a reuni y ki tabata nan preocupacion al respecto.
E parlamentario ta haya cu ta di importancia envolvimento di stakeholders y cu gobierno por traha cu vision pa logra metanan. Spera cu e ley pronto lo por keda implementa pa asina duna proteccion real na nos poblacion.
E parlamentario a haci pregunta alabes encuanto cooperacion den Reino pa loke ta trata COVID 19. Den otro paisnan ta anuncia uno otro wave. Con Aruba lo haci pa haya yudansa ora e cantidad di casonan a aumenta? Ta keda segun e parlamentario di importancia pa traha hunto cu otro paisnan pa por combati COVID, en especial pa proteccion di nos turismo. Fraccion a sostene e cambio di ley particularmente dor cu e ta un continuacion di e ley cu a ser presenta dor di su colega Sneek y ta den bienestar di mihor salud di nos poblacion.
