Parlamentario Mervin Wyatt-Ras ta tanto asombra como disgusta pa e otro medidanan di Gabinete Wever-Croes pa ranca placa for di cartera di nos pueblo.
Desde 1 di juli pueblo lo mester bai paga subida di BBO te cu 6% y esaki no ta suficiente, gobierno djies pa cumpli cu e 11 miyon cu CAFT a manda nan corta den presupuesto 2018 awor ta bai cobra pa recohe sushi. A cambio pueblo di Pos Chiquito lo haya un dump meymey di nan bario.
E minister di finanzas cu tanto tabata critica gobierno anterior awe ta declara cu pueblo lo bai sinti un tiki so, manera un prikkie, y ta bolbe anuncia subida di gasoline. Esaki ta locual por a anticipa cu e gobierno aki cueste loke cueste pa keda cumpli cu nan gastonan di luho y di e personal cu nan a nombra rond di nan lo keda atraca cartera di nos pueblo.
A bai asina leu cu awor nan no ta ni consulta cu e fraccion cu mester sostene nan.
Wyatt-Ras a tuma nota di un carta cu e fraccion cu ta sostene gobierno a manda pa gobierno tocante cobramento pa recohe sushi. Gobierno ta pensa cu e no mester consulta cu su fraccion, paso e sa cu tog nan lo sostene. Awor nos ta bai mira na ki banda nan ta para pa asina sali pa esnan cu ta ser afecta dor di e medidanan aki.
Banda cu gobiern lo kita reparatietoeslag, lo tin cu bai paga mas na BBO,BAZV y BPPS, mas na gasoline y djies aki mas na cuminda, mas na pan, mas na transporte y mas na seguro. Aruba lo bira super caro, locual lo afecta nos turismo cu tin cu competi cu otro islanan bunita den region. Gobierno ainda no kier habri su wowo pa mira esaki. Wyatt-Ras no ta haya husto cu contrario na nos pueblo e ministernan ta keda viaha y fiesta sin tene cuenta cu dolor di nos pueblo. Pa gobierno MEPPORRED e ser humano no ta central y atrobe por mira esaki den e forma con medidanan ta ser tuma y anuncia. Ta papia di un reforma fiscal cu lo remplaza e aumento di BBO pero hecho ta cu den e siguiente lunanan nos hendenan lo ta bai tin mucho menos den cartera.
