Parlamentario drs. Mervin Wyatt-Ras tabata durante conferencia di
prensa di AVP fe a trece padilanti cu enbista cu nos ta den un “soft opening“di nos frontera entre 15 di juni y 1 di juli y cu despues lo yega vuelonan di otro paisnan ta esencial cu esaki lo mester sosode na un forma responsabel. E preocupacion ta nosolamente pa e salud di e pasahero sino tambe pa nos propio cuidadanonan cu ta traha na airport y den of rond di turismo. Nos mester ta prepara pa proteha turista y nos propio hendenan. Por mira un pais manera Canada. E pais aki lo bai midi temperatura di pasaheronan na su diferente entradanan. Contrario na esaki na Aruba ora haci preguntanan 
na e minister e no ta contesta debidamente. Wyatt-Ras a bolbe haci 
pregunta den reunion cu ATA y despues e reunion cu AHATA encuanto diferente forma pa
garantisa salud di tanto e viahero como e trahado cu ta topa cu e
viahero. A contesta cu lo instala un thermal camera na entrada y
tambe lo midi temperatura. Segun Wyatt-Ras e personanan cu ta traha na imigracion y
control di paspoort mester ser proteha pa medio di mondkapjes,handschoen y suficiente handsanitizer. Diferente di e trahadonanan a
demostra nan malconto paso ministernan a bin cana den airport sin embargo no a
regla e material priminti na e personal. Algo cu Wyatt-Ras ta
preocupa p’e y a cuestiona ta tambe ta e posibilidad di haci test di COVID promer cu e
pasahero subi avion. Lo usa e “selfreported health declararion form”, locual ta keda na e pasahero di duna e informacion corecto. Wyatt-Ras a haci pregunta al respecto y a cuestiona esaki. E parlamentario ta di opinion cu e pasahero por haci un COVID test/un test medico promer cu e viaha. E avionnan por pone esaki como condicion paso si unpersona kende ta COVID positive ta den avion na yegada mester di un trato special separa y esnan cu a sinta rond di dje mester ser poni den cuarentena, cu
tur e gastonan y inconvennecianan cu esaki ta trece cu n’e pa pais Aruba y pa e turistanan cu bai den cuarentena. Nos pais ya caba no
tin suficiente medionan financiero. Pesey tanto e aerolinea como gobierno di Aruba mester yega na un acuerdo pa e test di COVID mester por wordo haci promer cu e pasahero subi avion.
Nos interes ta pa proteha nos trahadornan no solamente esnan cu ta traha den aeropuerto sino esnan cu ta traha pafor di aeropuerto den hotelnan, taxinan, busnan, restaurantnan, barnan etc. No ta costa nadapa disuti cu e aerolineanan cu tambe tin interes pa transporta
pasahero. Nan tambe kier gana placa y asina kizas por yega na un acuerdo pa garantisa salud di no solamente e pasaheronan sino tambe otronan envolvi. Lo tin un rondleiding y lo bolbe haci e pregunta pa wak ki contesta ta ricibi.
Nos por habri frontera pa garantisa trabou pa nos hendenan pero nos mester ta safe, paso si no nos lo haya nos mes cu otro casonan di COVID 19 dor di cual kizas lo mester bai “lock down” y esey lo ta desastroso pa nos economia,
nos trahadornan y tur esnan cu ta carga Aruba. Nos mester ta hopi
conciente di esaki y papia di dje paso na e momento aki dor cu nos no tin suficiente medionan financiero AZV ta
cortando den nos hendenan. Nos hendenan humilde tin cu duna un
eigenbijdrage ora nan bai den exterior pa loke ta trata nan
daggeldvergoeding y nan acompanjantenan no ta haya di daggeld y ora
nan viaha cu nan ser keri pa companje nan mester paga un eigenbijdrage na ticket di 300,- florin. Ta corta tambe den pashentnan cu ta tuma dialyse. Pa e motibonan aki nos no por permiti nos mes cu tin mas gastonan di salubridad ora cu habri nos fronteranan. Wyatt-Ras tin confiansa den e profesionalnan di crisisteam pero e ta haya cu gobierno mester
delibera over di e test pa asina por garantisa cu na momento nos
habri e frontera esaki ta na un forma responsabel.