Durante reunion publico cu a trata e rapport di CARMABI den presencia di ministernan di Asuntonan General, di Salubridad y di Naturalesa, Mervin Wyatt-Ras a cuestiona e hecho cu e minister presidente no tabatey den primera tanda y a pone otro prioridad, mientras ta trata salud di nos pueblo. Ta preocupante si nos hendenan y turistanan ta landa den lama cu ta contamina. Pesey ta di importancia cu parlamento por cuestiona loke ta pasando. No ta democratico y ta mustra di intransparencia cu Parlamentarionan ni por haci pregunta paso ministernan ta contesta nan na un forma grosero. Wyatt-Ras a cuestiona minister encarga cu turismo cu despues cu el a critica ministernan anterior e mes awor ta bai traha 2500 camber di hotel poniendo asina mas presion ariba capacidad di e planta di RWZI. E capacidad di e planta di RWZI di Bubali ta di 4500 cub mientras actualmente tin 8000 cub ta ser procesa actualmente den e planta aki, di cual 65% ta procedente di hotelnan. Wyatt-Ras ademas a haci pregunta encuanto di e fraude na DVG ya cu e minister di Salubridad ta den Parlamento, sinembargo e no a haya bon trato di minister cu no por cu critica. Dangui Oduber a tilda Wyatt-Ras di tin rabia intenso y cu ta toxico. E forma di reacciona aki tin di haber cu e minister no tin argumento y kier saca curpa dor di reacciona negativo ariba e parlamentario. Wyatt-Ras a conteste fuertemente den segunda tanda cu den un pais democratico gobierno mester duna informacion y mester tin respet pa parlamentario paso loke parlamentarionan ta trece dilanti ta preocupacionnan den pueblo. Tin cu menciona cu den e contesta di Dangui Oduber fecha dia 31 di januari na e parlamentario ariba su preguntanan rond di su actitud dictatorial y grosero pa cu director di Hospital y si ela sinta cun’e, el a contesta cu Wyatt-Ras lo ta gusta shisheria. Aki ta muestra claro di un forma cobarde di ofende un parlamentario cu ta cuestionando e forma indemocratico y intransparente di e minister. Tin cu menciona cu e minister ta nenga cu e Healh App ta ser maneha na Cocolishi, mientras su PR di DVG a contradici’e dor di cual el a duna e trahado un skual y pone e persona aki trek su palabra bek. Minister ademas a nenga di contesta preguntanan 16 te cu 21. 

Wyatt-Ras ta lamenta e forma di proceder di e minister aki cu no ta muestra di carga responsabilidad pa su actonan.