Prome Minister Evelyn Wever Croes a ricibi varios siman atras, un grupo di maestro kendenan a bin dilanti di oficina di Gobierno, pa manifesta nan preocuapcion pa loke ta tumando luga den DPS.
Minister Rudy Lampe ta sigui cu su maneho ‘flip flop’ y ta perhudicando desaroyo den enseansa aki na Aruba y lider di fraccion di AVP den Parlamento, Marlon Sneek, ta mustra cu no solamente e minister aki ta creando incertidumbre y incomodidad den e sector aki, pero henter Conseho di Minister.
E incomodidad aki a bira mas grandi ora cu maestronan a ricibi un carta diahuebs dia prome di augustus, caminda gobierno ta anula un decision cu e mes a tuma djis despues di e manifestacion/
“Un biaha mas a keda demostra den forma palpabel, cu Gabinete Wever Croes no ta un gobierno serio y no tin respet pa loke ta interes di pueblo y den e caso aki di nos mucha- y hobennan studiante.
Tur hende por corda con Prome Minister Wever Croes a acepta e manifestacion di maestrona preocupa cu e situacion cu tin y a haci e promesa cu su gobierno lo tuma pasonan necesario pa sigura trankilidad den e sector educacional.
Un dia despues Minister Presidente Wever Croes a anuncia cu Conseho di Minister a tuma e decision cu lo kita Trai Merdia for di Minister Lampe y ta pone e responsabilidad di esaki cerca Minister di Asuntonan Social, Glenbert Croes.
For di e momento ey fraccion di AVP a mustra cu e decision aki ta ridiculo ya cu e no tin un base legal mirando cu pa haci esaki, mester bin Parlamento pa cambia e LIM, esta e ‘Landsverordening Instelling Ministeries,’ ya cu di otro forma ta Minister Lampe lo keda finalmente responsabel tog.
Den e carta dirigi na maestrronan fecha prome di augustus 2019, gobierno ta participa tur cu ta emplea den DPS, cu gobierno a dicidi di suspende temporalmente su propio decision loke ta nifica realmente cu DPS ta keda responsabilidad di Minister Rudy Lampe.
Contenido di e carta ta confirma lo siguiente:
“Met dit schrijven wil de Dienst Publieke Scholen (DPS) U inlichten, dat na overleg met de Minister van Onderwijs, Wetenschap en Duurzame Ontwikkeling en de Minister van Sociale Zaken, overeen is gekomen, dat de overdracht tijdelijk wordt stop gezet, totdat de overdracht in juridische zin is afgerond.
Dit betekent dan, dat in de tussentjds de Bureao Trai Merdia nog onder de DPS zal resorteren.”
Aki ta keda confirma cu tur loke Prome Minister Wever Croes a haci despues di e manifestacion, tabata otro comedia politico, hunga grandi pa mustra su determinacion pero sin pensa pa un instante cu no ta zomaar ta cambia carteranan sin cambia e LIM.
E desicion aki ta pone cu maestronan di DPS ta bin haya nan mes den mesun situacion cu prome, caminda no tin claridad den loke ta e maneho di e Minister Flip Flop di enseñansa y cu nan incomodidad a bira ainda mas grandi.
Fraccion di AVP a bolbe dirigi un carta na Presidente di Parlamento pa un reunion publico pa atende cu tur loke ta pasando y esaki despues di a manda varios peticion caba aden pa yama Minister Lampe den un reunion publico caminda Parlamento por tuma pasonan pa e cambia su maneho cu tin asina hopi hende den incertidumbre,” Parlamentario Marlon Sneek a declara.
