Diasabra anochi lider di partido AVP Mike Eman hunto cu candidato #2 Benny Sevinger a dirigi nan mes na un grupo grandi di ciudadano Arubiano di origen Latino. E encuentro a tuma luga na sede di Villa Floralina. Esaki ta e di dos oportunidad cu ambos político pa a topa cu e comunidad Latino na Aruba riba peticion special.

Aki tabata reina un ambiente di solidaridad, diversificacion cultural y speransa, pero riba tur cos, ta biba e sentimento di integracion cu Partido AVP a establece cuater aña pasa y kier sigui fomenta. Cu hopi animo y positivismo Lider di partido berde Mike Eman y su colega Benny Sevinger kier sigui traha pa un futuro fructífero caminda union, amor y respet pa e ser humano ta reina riba suela di nos dushi isla Aruba sin importa su nacionalidad.

Despues di e reunion di diasabra ultimo no ta keda duda cu e comunidad Latino na Aruba ta sostene fuertemente e vision y maneho di Partido di Pueblo Aruba den gobierno. Apesar di tacticanan poco etico di parti di miembro y simpatizantenan di oposicion y di partidonan cu ta carga bandera di ‘Arubianisacion’, e colonianan Colombiano, Venezolano, Dominicano, Peruano y tur otro, ta dispuesto pa renoba nan confianza cu nan voto den e proximo eleccion di 27 di september. Tur esaki ta bin dor cu AVP a demostra cu tur hende cu kier traha na, pa y hunto cu A