Diabierna anochi a tuma luga na cas di partido AVP, un wega di bingo pa di e forma aki brinda  tur hende den e tempo difícil aki, oportunidad pa gana algo extra cu lo por yuda den tur cas di famia.

Un bingo cu mas tanto a tuma luga den e sistema digital y tambe pa medio di radio y television y cu a conta cu participacion di basta hende.

E dos premionan grandi di un suma di 1500 cada uno, a bay pa Giselle Fingal di Sero Pita mientras cu e otro felis ganado di e suma grandi aki, tabat Claudia Suarez di Boohihill.

E di tres premio mas grandi pa e suma di 400 florin, a wordo gana pa Dora Marid di Paradera mientras cu e premio di 300 florin a wordo gana pa Esteban Tromp di Bubali.

Otro felis ganadonan di un suma di 250 florin a bira Marie Geerman, Harold Geerman, Monique Rodgers, mientras cu esnan cu a gana 200 florin a bira Esmeralda Krozendijk, Victor Andrews y y Franklin Bardouille.

Ganadonan di e suma di 150 florin a bira Remi Faneyte, Amanda Rengifo y Maria Sanchez den e sensacional anochi di bingo aki, cu a produci ganadonan so.

Directiva di AVP ta gradici tur participante na e exitoso anochi di bingo aki.