Partido AVP un biaha mas ta bay yuda su miembronan y Aruba en general cu yenamento di formularionan di Inkomstenbelasting. Robert Candelaria di fraccion di AVP ta encarga cu e proyecto e aña’ki. 

Tur persona cu mester di yudansa pa yena e formularionan di belasting, por acudi na Cas di Partido AVP pa haya informacion. Candelaria a recorda cu aña pasa nan a yuda rond di 700 persona pa yena e formularionan aki. 

Mirando e cantidad y e interes a cuminsa pa programa 4 fecha riba cual e hendenan di AVP lo ta disponibel pa yuda e ciudadanonan. Ademas di e formularionan cu Belasting a manda, mester bini cu e “jaaropgaaf” (cu dunado di trabou ta duna), tur documento cu ta relevante pa ora di yena e formularionan aki. Tambe si bo tin un fiansa na banco, ta importante pa bo trece e carta di interes.

E fechanan riba cual ta atende publico ta diamars, 20 di augustus, diahuebs (22 di augustus), diamars (27 y diahuebs (29 di augustus). E orario ta di 6’or di atardi pa 9’or di anochi. 

Esnan cu mester di ayudo por acudi cerca Maria, of yama Cas di Partido (5830911), y inscribi nan nomber. Di e forma aki tin un ora registra caba pa wordo atendi. Di e forma aki no ta sinta warda. Aña pasa tin hende a haci digitalmente y otronan manualmente. 

Si resulta cu e dianan aki no ta suficiente, debi na e demana, lo pone mas fecha disponibel prome cu e deadline pa entrega e formularionan aki.