Awe mainta Lider di Partido AVP, mr. Mike Eman y parlamentario drs. Mervin Wyatt-Ras a presenta e relato “COVID-19 DEN PERSPECTIVA”. Lider di Partido Mike Eman a splica cu e meta di e brainstorming hunto cu expertonan riba COVID-19 y e relato presenta awemainta ta pa contribui na un miho comprondemento di e pandemia y su consecuencianan pa Aruba.
Partido AVP a tene un serie di consulta cu expertonan medico, social y di enseñansa, pa haya tende di nan con nan a atende cu e situacion cu e enfermedad contagioso aki a crea pa nos bida diario, kico ta e daño cu ela causa, dicon cosnan a bay manera nan a bay for di nan perspectiva y kico mester wordo haci pa nos comunidad ta miho prepara pa crisisnan similar den futuro. E brainstorming aki a tuma luga dia 20 di augustus 2020. Basa riba e informacion cu a wordo presenta door di expertonan, a compila e relato “COVID-19 DEN PERSPECTIVA”.
Mientras cu e epidemia di COVID-19 a afecta salud, economia, enseñansa, contacto social y practicamente tur sector na Aruba, ciudadanonan y organisacionnan ta purba compronde y anticipa riba e efectonan a corto y largo plaso di e epidemia aki. Cu e meta pa contribui na un miho comprondemento di e epidemia y su consecuencianan, partido AVP a tene un serie di encuentro cu expertonan medico, social y di enseñansa, pa haya tende di nan con nan a atende cu e situacion cu e virus y e enfermedad contagioso aki a crea, kico ta e daño cu ela causa, dicon cosnan a bay manera nan a bay den nan sector y kico mester wordo haci pa nos comunidad ta miho prepara pa crisisnan similar den futuro.
E encuentronan cu expertonan a tuma luga dia 20 di augustus ultimo. Basa riba e informacion cu a wordo presenta door di experto, a compila e relato “COVID-19 DEN PERSPECTIVA”. E relato aki ta pone atencion especifico riba e forma cu a atende cu e aspectonan medico, fisico y mental, e cuido den hospital, e consecuencianan pa mucha y hobennan y pa enseñansa. E relato aki ta basa riba e informacion cu a wordo presenta, e informacion cu Departamento di Salud Publico (DVG), World Health Orgnaization (WHO) y e Instituto di Reino pa Salud y Medio Ambiente (RIVM). E relato ta conclui cu algun recomendacion pa e maneho actual, como tambe maneho di un crisis similar den futuro. Cu e realto aki AVP kier duna un aporte positivo y constructivo cu sugerencia y alternativanan di maneho di crisis y pa organisacion di cuido di salud y sectornan vital di nos comunidad.
Nos pais y henter mundo ainda ta den e crisis di salud y ta mira efecto di consecuencianan multiple cu e COVID-19 ta bin cun’e. Ainda mundo y nos ta siñando di e daño enorme cu e crisis aki ta ocasiona pa e forma di organisa nos trabou, nos enseñansa, nos cuido medico y nos bida social manera nos tabata conoce. Mientras cu nos ta sigui e crisis aki di serca y siña di tur lsu efectonan riba sociedadnan, nos mester fiha atencion riba manehoun crisis asina pa limita e daño cu e por causa y con nos ta organisa nos bida den futuro bou circunstancianan similar di contagio y riesgo di perdida di bida humano.
Nos ta apenas na e comienso di un caminda pa futuro desconoci. E experiencia y recomendacionnan den e relato aki ta pa yuda nos siña mas, mas lihe y miho con pa organisa cuido di salud y bida den nos comunidad pa futuro.
E raport aki ta disponible riba www.avp.aw. E comision organisado di e encuentronan cu expertonan ta mr. Mike Eman, drs. Mervin Wyatt Ras, mr. Gerlien Croes, Robert Candelaria y drs. Rene Herdé. E comision organisado tabata asesora pa conseheronan drs. Anco ringeling y mr. Nicole Hoevertsz.
