Un Cena Multicultural masha special ta worde organiza den fin di siman di Duna Danki, organisa pa partido AVP, den cua nos lo celebra e union di tur e diferente comunidadnan y nacionalidadnan cu ta biba na Aruba. E evento lo tuma lugar Diasabra 25 di november, cuminsando for di 7’or di anochi.
E encuentro cu un cena special aki ta dedica na un matriarca memorabel di e bario di Rancho, señora Ma Dora Palm, cu a enrikese nos patrimonio comparti cu su trabou duru, su balornan familiar y su lealtad.
Lo bini hunto den Rancho, e bario historico, na un mesa largo den e henter e largura di Avenida Alo Tromp. E formato ta inspira pa e longtable dinner di Renaissance Hotel. E lo ta algo hopi bunita decora, na unda cada stoel lo ta un luga di unidad y gratitud. E evento aki lo expone e variedad rico di cultura, sabor y tradicionnan cu lo simbolisa e harmonia cu ta defini nos isla.
Mientras solo baha riba Rancho, lo comparti storianan, alegria y un dushi cena prepara cu amor door di chefnan talentoso cu ta representa e cushinanan di tur e nacionalidadnan cu a yuda construi nos pais.
Musica y actuacionnan bibo di talentonan multicultural di Aruba lo yena e aire cu melodianan cu lo resona cu e ambiente di union. E publico lo gosa di musicanan live di cancionnan di Padu presenta pa nada menos cu su jiu muher Vichy Lampe y Victor Samuel. E homenaje simpel y sincero na señora Ma Dora Palm lo corda nos con importante e ta pa rindi honor na esnan cu a duna forma na e legado di nos comunidad.
E Cena Multicultural pa Duna Danki lo ta un ocasion special pa reflexiona riba nos balornan comparti di inclusion, respet y aprecio mutuo. E lo ta un testimonio di e beyesa di e mosaico multicultural di Aruba y un expresion di gratitud pa e rikesa cu esaki ta duna na nos bida.
Cu e anochi aki nos lo construi riba e forsa di e diversidad di nos comunidad y e lasonan cu ta uni nos. E lo ta un momento pa reflexiona y recarga forsa y compromiso pa traha pa e BON COMUN di nos isla.
Un yamada di AVP: “Aruba ta nos cas! Uni cu nos den e celebracion di unidad, diversidad y e legado di señora Ma Dora Palm, mientras cu nos ta sinta hunto na un mesa largo cu ta uni culturanan y curasonnan, cu lo haci e Dia di Duna Danki aki uno berdaderamente inolvidabel y importante pa e BON COMUN di nos pais Aruba”.
