fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 AVP ta cende luz di kerstboom dialuna anochi

Dialuna 9 di December pa 7’or di anochi Partido AVP tin un ceremonia special pa cende e luznan di Kerstboom na Cas di Partido. E actividad aki lo ta e preludo pa e Concierto di Speranza cu lo tuma lugar na Crystal Theater dia 14 di December cu un programa musical hopi special di mehor cantantenan den cancionnan di Pasco na Aruba acompanja pa grupo Badu di Robert Maduro. 

Lider di AVP, mr. Mike Eman a pone Diadomingo atardi hunto cu tur e voluntarionan e toke final na e top di Kerstboom cu e strea blanco y berde di speranza pa un Pasco yena di Bendicion pa henter Aruba. Dialuna for di atardi e ambiente di e cendemento di luz lo incia na Cas di Partido pa anochi culmina cu iluminacion di e Kerstboom. 

Pa e final di anja tambe Partido a saca un edicion special di su organo official di informacion REALIDAD. Por pasa libremente na Cas di Partido of serca candidatonan y dirigentenan di bario pa haya bo edicion di REALIDAD.

Leave a Reply

Your email address will not be published. Required fields are marked *