Partido MEP ta keda un partido cu ta sinonimo na medida contra pueblo y awor un biaha mas esaki ta wordo confirma pa Prome Minister Wever Croes diahuebs ultimo den tur trankilidad cu por tin y hasta cu  algun colega minister cu cara hari mescos cu ta regalo positivo nan ta duna pueblo.

Ex Prome Minister y lider di AVP, Mike Eman a mustra cu e desaroyo aki no ta nada nobo pa partido MEP y cu na Nelson Oduber den pasado como Prome Minister, no a pensa dos bes pa anuncia medidanan pisa contra pueblo di Aruba, caminda un introduccion di 3% di BBO a bin resulta den un inflacion di 10.2% na final di cuenta.

“Tur medida cu a wordo introduci den pasado desde inicio di Status Aparte, tin e signatura y stempel di partido MEP riba nan y ora cu nos a kere cu nan a siña di e daño cu a wordo haci contra nos pueblo y pais Aruba semper cu el a introduci medida y cu  e biaha ki lo bay ta otro.

Sinembargo un biaha mas mescos cu e tempo ey introduccion di un BBO na 2006 y 2007 cu a causa un inflacion di 10.2%, awor por mira un anuncia di BBO cu ta bay yega ta na 6% y tur hende sa cu ora cu subi BBO cu no ta solamente un schakel, pero si bo tin 2.5% di aumento, ta papiando di minimalmente 7.5% di aumento di costo di bida si e no yega 10% cu speculacion cu ta bay tin den comercio.

Ora un producto drenta Aruba, ta pasa por lo menos tres schakel caminda  e importador ta bende cu e ‘wholesaler’ ta un schakel,  ‘wholesaler’ ta bende cu a supermercado cu ta otro schakel, e supermercado ta bende cu e consumidor cu ta otro schakel y aki nos ta papia di tres schakel di 2.5% cu ta 7.5%  y hunto cu speculacion cu tin rond di esaki.

E comerciante na su turno ta bisa cu no ta unicamente e BBO cu e tin cu   paga riba e producto cu e tin cu cumpra pero pa e opera su negoshi e tin cu paga aumento di otro gastonan y e lo pone 2, 3 of 4% riba e 7.5%  loke ya a subi y e ora nos ta haya cu productonan ta bay aumenta cu mas di 10% dor di culpa di un partido cu a bay eleccion cu a bisa pueblo cu nan lo no bin cu ningun medida

Nos ta kere cu tur loke ta sosode aki ta carga signatura di algo cu ta sumamente grave den bo democracia  cu ta ‘kiezersbedrog.’

Partido AVP semper a Sali na defensa di pueblo caminda nos a yega di cana y marcha, bay baricada y na tur momento cu pueblo a wordo menasa y oprimi caminda nos ta mirando e combinacion atrobe di tur loke nos a mira di un gobierno di MEP.

N unicamente caso di medidanan pero persecucion politico cu ta tuma luga diariamente caminda na Serlimar ta kita hende pasobra nan a wordo duna un stempel di AVP.

Na DOW ta kitando hende pasobra segun nan ta hendenan di AVP y aki nos tin cu bisa cu  Evelyne Wever Croes herself,  a kita mas cu 100 tata y mama di famia for di trabou, pone nan riba caya y awe un pa un ta ganando nan caso dilanti Corte pa motibo cu e casonan aki ta hopi cla di ta un persecucion politico.

Dos luna largo Prome Minister Wever Croes a sinta forma un gobierno, cu dos partner cu ora cu analisa tur cos, cu hunto no ta yega e autoridad moral di un mandato di e pueblo, en bes di a tuma tempo pa papia cu gremionan,  a neglisha gremionan mientras cu partido AVP a sinta un luga largo y mi persona a papia como formado cu mas di 42 organisacion prome cu cu nos a yega na e prome dia di gobernacion y despues nos a sigui den dialogo social.

Awe ta den corant gremionan por lesa, na radio nan por scucha caminda gobierno ta anuncia medidanan,” lider di AVP, Mike Eman a declara.