Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.
Un Tienda di Ley pa Aruba cu ta duna asistencia legal gratis na ciudadania. Esey ta e projecto cu awe Diasabra a keda accorda den reunion di Lider di AVP, mr. Mike Eman y e studiantenan di Universidad di Aruba (UA) cu ta forma e hala di Plataforma Hobenan Profesional (PHP). Apertura oficial di Tienda di Ley ta Diasabra 15 di September pa 2’or di atardi na Cas di Partido. Pabien na e hobenan di PHP. [Team CdP/Team PHP]
Duna nos Bo confiansa pa nos por sigui sirbi Aruba cu e mesun entusiasmo, cu e mes un stimacion y sigui traha pa tur hende.
Ban rescata, reconstrui nos Aruba.
© 2021 Derecho di autor - Arubaanse Volkspartij/Christendemocraten Aruba
